مفيش تعارض بين الحجاب والتمثيل.. أبرز تصريحات نورهان

حلت الفنانة نورهان ضيقة على برنامج الستات والذي تقدمه الإعلامية مفيدة شيحة والإعلامية سهير جودة وذلك على شاشة قناة النهار، والتي كشفت خلالها العديد من التصريحات الهامة الخاصة بحياتها الشخصية والفنية ويرصد تحيا مصر في التقرير الآتي أبرز تلك التصريحات.

أبرز تصريحات نورهان في برنامج الستات 

لو لبست الحجاب مش هعتزل لان مفيش تعارض بينه وبين التمثيل.. الفن مهنة شريفة وسامية.

حنان ترك قدمت 6 مسلسلات بالحجاب والشيخ الشعراوي قال الفن حلاله حلال وحرامه حرام.

اتوقع لو مثلت بالحجاب ممكن اكون مثل لواحدة مترددة وشايفة دي حاجة ممكن تعطلها.

اعتزال التمثيل كان قراري كنت عايزة اقعد مع ابني بشخصيتي أنا مش بالادوار اللي بمثلها.

لو فكرت اتجوز تاني هكون محتاجة شخص ميعتمدش على اني ناجحة ومش محتاجة حاجة من حد.

كنت بصحح كراسات في البريك وانا بصور هبة رجل الغراب وابن حلال وكنت مبسوطة اني بعمل حاجة في حياتي تانية عن أن استنى دور يجيلي.

ابني متفرد هو كاريزما وخجول وبيجي يكلمني في أسراره.. أنا أم روشة جدا وبقوله شوف حد ارتبط بيه.

نورهان تكشف إمكانية عودة حنان ترك للتمثيل 

وكانت قد كشفت نورهان عن إمكانية عودة حنان ترك للتمثيل مرة أخرى، قائلة في تصريحات على هامش مهرجان القاهرة للمسرح المصري: أنا كنت في كاليفورنيا كنت رايحة أصلي الجمعة في الجامع زي أي حد طبيعي قالوا الفنانة حنان ترك ساكنة في المنطقة الفلانية وبتصلي في الجامع الفلاني.

وتابعت: ااهتميت كواحدة من جمهورها أروح اتعرف عليها وأسلم عليها وهي الحقيقة اسقبلتني كأننا صحاب من سنين وكانت بتدعمني جدا في المشروع اللي كنت بحاول ابدأه هناك واستضافتني في بيتها ونصحتني نصايح كتير حياتية وفنية وأنا بعتز جدا إننا أصبحنا أصدقاء.

نورهان تنعي السيناريست شريف بدر الدين: احنا جيل بنودع بعض بدري أوي

اخر أعمال نورهان 

ويذكر، أن أخر أعمال نورهان مشاركتها في مسلسل جروب الماميز والتي شاركت به إلى جانب كلامك النجومخالد سليم، ودينا فؤاد وانتصار وحجاج عبد العظيم ووليد فواز، وهبة عبد الغني ويوسف إسماعيل وهشام الشاذلي ورباب ممتاز وأماني كمال وهو سيناريو وحوار سمر طاهر، إيرين يوسف، مي سعيد، معالجة درامية وإشراف على الكتابة دعاء عبد الوهاب، ومن إخراج أحمد صالح.