مرتضى منصور: مستعد للدفاع عن أحمد فتوح.. وإمام عاشور بيشرب مخدرات مع لاعب آخر في الأهلي

قال المستشار مرتضى منصور رئيس نادي الزمالك السابق، أنه من الصعب أن يشمت في أحمد فتوح لاعب نادي الزمالك بعد أزمته الأخيرة والتي تسببت في وفاة أمين شرطة على طريقة العلمين، ويستعرض موقع تحيا مصر التفاصيل.

تصريحات مرتضى منصور

وأضاف مرتضى منصور في تصريحاته، من يقول أن تحليل المخدرات الخاص بأحمد فتوح إيجابي حاليا فهو واهم، وأنا لن أشمت في اللاعب رغم حديثي السابق عنه، ولكنه مثل أولادي وأحبه.

وأكمل مرتضى منصور، ربنا يرحم المتوفى، ولو أحمد فتوح محتاج محامي من مكتبي فأنا مستعد أكون معاه، وهو في وقت الشدة ومستعد أكون بجانبه، واللاعب يتم حسابه قانونا، وكان في واحدة كلمتني قبل كدا قالتي إنها زوجة إمام عاشور وقالتلي إن إمام عاشور بيتعاطي مخدرات مع لاعب آخر في الأهلي.

وزاد مرتضى منصور، يجب على كل الأندية اللي عندها مدير كرة بجد يكون في تحاليل للاعيبه، ويكون في دكتور للإصابات ودكتور للتحليل، واللاعيبه المصرية موهوبة، والفلوس الكتير لما بيكون استعمالها غلط بيتسبب في أزمة، ومن الممكن أن يحدث للفنانين والفنانات، وهناك آفة في المجتمع حاليا وهي "كيف تدمر شباب وشابات مصر؟.

مرتضى منصور رئيس الزمالك

وأشار مرتضى منصور، هناك بعد الفتيات يتعاطوا المخدرات، وأحمد فتوح في وقت الشدة وعلى الأقل مفيش حد يشمت في أحمد فتوح، وننتظر قرار النيابة ومفيش حد فوق القانون في مصر.

واختتم مرتضى منصور، لو خال أحمد فتوح كلمني وطلب محامي هيكون موجود معاه على طول ومفيش أي مشكلة مع اللاعب نهائيا.