بنتك مستنية تحضنك.. زوجة عصام صاصا في ثاني جلسات محاكمته: ربنا يرجعهولي بالسلامة

حرصت جهاد، زوجة مطرب المهرجانات عصام صاصا على دعمه ومساندته في ثاني جلسات محاكمته في قضية تعاطيه للمخدرات واصطدامه بأحد الأشخاص على الطريق الدائري ووفاته، حيث قبض عليه في مساء أمس السبت من مطار القاهرة أثناء عودته من الامارات.

زوجة عصام صاصا تدعمه في ثاني جلسات محاكمته 

وظهرت زوجة عصام صاصا في صورة التقطتها عدسات تصوير موقع تحيا مصر وعلى وجهها علامات الحزن والصدمة لما يحدث مع زوجها وتردد: بنتك مستنية تحضنك يا حبيبي.. ربنا يرجعهولي بالسلامة.

وكان عصام صاصا خرج في فيديو انتشر على مواقع التواصل الاجتماعي المختلفة أمس، وقال فيه: أنا دلوقتي نازل بلدي وممكن يكون الفيديو ده أخر فيديو ليا، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.

عصام صاصا يدافع عن نفسه للمرة الأخيرة قبل محاكمته

واختتم: ربنا يعلم أنا كنت حاسس بأيه وقتها، والناس قالت عليا أني بدوس على الناس بفلوسي، أنا والدي متوفي من وعندي سنة وعشت عمري كله مع والدتي وعشنا أيام تحت خط الفقر، أنا ربنا كرمني من سنتين تلاتة، ومكنتش حابب أرد، لكن أنا ممكن أنزل متشفونيش تاني.

زوجة عصام صاصا تدافع عنه

وفي أول تعليق من زوجة عصام صاصا على فيديو زوجها والقبض عليه في المطار، قالت في ستوري عبر حسابها الرسمي بموقع تبادل الصور والفيديوهات انستجرام: أكتر حاجة تعباني أني حاولت في الأول أدافع عن عصام أنه مظلوم بس التريند خلاكم متشوفوش الحقيقة ودلوقتي بتقولوا حرام دا مظلوم ليه بيحصل فيه كدا، مش طالبة حاجة غير أن ربنا يرجعه لابنه وبيته، بس على فكرة محدش قبض على عصام زي الأخبار ما بتنزل، عصام هو اللي نزل عشان القضية بكرا، وكان عامل الفيديو قبل ما ينزل عشان مش عارف هو هيحصل ايه معاه في الجلسة.

بعد تصريح الحسد.."أزهري" يطالب زوجة عصام صاصا بقرأة سورة البقرة لاخلاء سبيل زوجها

بتهمة دهس مواطن وتعاطى المخدرات.. وصول عصام صاصا إلى محكمة الجنايات

وفي تصريح خاص لموقع تحيا مصر قالت: انا مؤمنة بقدر الله والحمد لله على كل ابتلاء احنا اتحسدنا وان شاء الله كل حاجة تتحل .