"شكراً للشعب المصري على الحب والدعم".. حمزة علاء يوجه رسالة شكر بعد فشل التتويج بميدالية فى أولمبياد باريس (صور)

وجه حمزة علاء حارس مرمي النادي الأهلي ومنتخب مصر الأولمبي، الشكر للشعب المصري، وذلك بعد الدعم والمسانده للفراعنة رغم فشل التتويج بميدالية فى أولمبياد باريس 2024.

تحيا مصر، وكتب حمزة علاء عبر حسابه الرسمي"إنستجرام":أول معسكر لينا كان في شهر 09/2022. كان حلمنا ساعتها ان احنا نوصل أمم افريقيا".

وتابع حمزة علاء قائلاً:" وصلنا أمم افريقيا و كان حلمنا بعدها ان احنا نوصل أولمبياد".

ووأصل حمزة علاء قائلاً:" وصلنا أولمبياد، و كان حلمنا الاكبر ان احنا نرفع اسم بلادنا وسط العالم كله، و نعرف الدنيا مين هو منتخب مصر، و كان هدفنا و حلمنا الحقيقي أن احنا نرجع مصر ‏بميدالية بس مكنش لينا فيها نصيب الحمدلله، و كل الشكر لكل زملائي من اول معسكر لينا لحد اخر ماتش لينا، أنا كان ليا الشرف ان انا اكون جزء من المنتخب ده اللي بجد عمل كل حاجه عشان يفرح بلده".

وأردف حمزة علاء قائلاً:" شكراً لكل فرد في الجهاز الفني، و الطبي، شكرا انكم اديتوني فرصه زي دي إن انا امثل بلدي في اكبر بطوله في العالم".

وأستكمل حمزة علاء قائلاً:" شكراً لكل من امي و ابويا و اخواتي، شكرا انكم عمركم ما فقدتم الامل فيا رغم الظروف، و شكرا انكم كنتم معايا في كل خطوه و في كل ماتش، انتم اهم و احلي حاجه في حياتي، و اخيرا، كل الشكر و التقدير و الحب لشعب مصر.

وأختتم حمزة علاء قائلاً:" احنا كان نفسنا نرجع اراضي بلدنا ‏بميدالية تليق بحجم مصر، و نرفع علم مصر قدام العالم كله، شكرا علي دعم كل المصريين، شكرا علي وقفتكم جمبنا و شكرا علي حبكم لينا، النهاية مكنتش احسن حاجه بس زي ما بنحمد ربنا نشكر فضله علينا و احنا مبسوطين، لازم نحمد ربنا و نشكر فضله علينا و احنا زعلانين. تمثيل مصر شرف كبير لأي حد، عمري ما هنسي المنتخب ده و عمري ما هنسي الأولمبياد دي بحلوها و مرها. الحمدلله دائماً وابداً".