شهيرة تعتذر لسيدة بسبب موقف منذ 5 سنوات| ما السبب

خرجت المطربة المعتزلة شهيرة لتعتذر من سيدة ما تعاملت معها بعنف منذ أكثر من 5 سنوات، لتتذكرها في الفترة الحالية وتكتب لها منشور اعتذار راوية القصة التي مرت بها مع تلك السيدة.

شهيرة تعتذر لسيدة بسبب موقف من أكثر من 5 سنوات 

وكتبت شهيرة عبر حسابها الرسمي بموقع التواصل الاجتماعي فيسبوك في منشور رصده موقع تحيا مصر: مش عارفه أبتدي ازاي  بس من أكتر خمس سنوات تواصلت مع سيده جميله تغزل ملايات سرير  بأناقة ورقة  وكنت طلبت منها شيئ او إضافه معينه للملاية وكانت السيدة من الاسكندريه لما وصلتني الملايه تكلمت معها بعنف وان مش هو ده الشيئ اللي طلبه.

وتابعت شهيرة حديثها: بعد كده اكتشفت إن الملاية بكل مكوناتها في منتهي الجمال والجودة  ولكني وقتها كنت في أعلي درجاته التوتر  بسبب شده مرض زوجي في هذه الأيام والملايه برغم مرور السنين مازالت محتفظه برونقها  انا بكتب ده  عشان عايزه أعتذر لها علي مابدر مني وقتها من سوء فهم نظرا للظروف الصعبه والقاسية.

شهيرة: بعتذرلك وياريت لو شوفتي البوست تكلميني 

وتابعت شهيرة حديثها: عرضت جزء من الملايه عشان  لو تصادف وشفتها السيده الجميله تعذرني و تسامحني يارب يارب تشوف البوست وصوره ملاياتها اللي طبعا مش بجمال الحقيقه بعتذر لها  تاني ولو شافت البوست  تتصل  بيا   أرجوها  مع تحيات ادعو معايا والنبي  تشوف البوست  وللأسف معنديش اي وسيله اتصال.

شهيرة وموقفها من العودة للتمثيل 

من ناحية اخرى، قالت الفنانة شهيرة حمدي، أنها ابتعدت عن الفن بسبب تفرغها لحياتها الشخصية، وحبها للتمثيل والموهبة التي أنعم بها الله عليها كانت تنشغل بها وتحقق ذاتها بنفسها، موضحة :"في وقت من الأوقات حسيت إني لازم أبعد عن الحاجه اللي بحبها، والحجاب ملوش علاقة بالتمثيل بس الكلام ده كان في البداية لكن دلوقتي الحجاب فرض نفسه علينا في مجتمعنا والمرأة المحجبه ليها مشاكلها.. مش فاهمة ليه بيربطوا الحجاب بالتمثيل".

شهيرة تنعي شقيق محمود ياسين: سلملي على حبيبي محمود

وأشارت شهيرة، إلى أن كل شخص حر في حياته من حيث ارتداء الحجاب، :"إحنا مينفعش نحاسب بعض، في حاجه إسمها ربنا هو اللي يحاسبنا مش لازم نبقى أوصياء على بعض كل شخص يختار طريقه والتركيبة اللي عاوز يعيشها".