اتقهرت بسببه ومعرفتش أعمله حاجة.. تعليق ريم أحمد على أزمة فادي خفاجة بسبب جولات التيك توك

علقت الفنانة ريم أحمد على أزمة الفنان فادي خفاجة بعد تعرضه للهجوم من خلال حوارها مع الإعلامية مروة صبري في برنامج قعدة ستات، وأشارت إلى دخولها التيك توك من باب اللايڤات ولكن تعرضت للسب من الجمهور.

ريم أحمد عن فادي خفاجة: اتقهرت ومكنتش مصدقة اللي شوفته

تحدثت الفنانة ريم أحمد عن أزمة الفنان فادي خفاجة من خلال برنامج قعدة ستات، رصده لكم موقع تحيا مصر، وقالت: "اتقهرت ومكنتش مصدقة اللي شوفته ومعرفتش اعمله حاجة حسيت إحساس صعب وزعلت على الدرجة اللي وصل لها".

وتابعت ريم أحمد قائلة: "زعلانة طبعا على فادي لما طلع قال في الفيديو أنه محتاج فلوس ومعندوش اختيار وأنه خريج معهد فنون مسرحية ونقابي دي حاجة تقهر وإحساس صعب جدا وزعلت على الدرجة اللي وصل لها".

ريم أحمد: الناس شوهت سمعته وسمعتنا

وعن سبب عدم تواصلها مع فادي خفاجة بعد الفيديو قالت ريم أحمد: "مقدرتش أعمل حاجة لأن مش من حقي أحكم على حد وأنا مش عارفة ظروفه ولو حطيت نفسي في موضع الحكم هكون بظلمه زي الناس اللي اتكلمت عليه وشوهت سمعته وسمعتنا احنا الأربعة من مسلسل ونيس اتشتمنا بشتائم غير لائقة ولو كان في حاجة بايدي كنت كلمته".

إلهام شاهين تكشف سبب تأجيل عقد قران ابن شقيقها للمرة الثانية |خاص

مصطفى كامل يصرف معاش 500 جنيه لمن تجاوز الـ 70 عامًا لأعضاء الموسيقيين

ووجهت ريم أحمد رسالة لـ فادي خفاجة، وقالت: "أتمنى يعرف يخرج من الكبوة اللي هو فيها إحنا كلنا بنتحط في المواقف دي وهو خانته اللحظة في نظري لكن التمس لأخي مليون عذر".

وتحدثت عن تجربتها في موقع التيك توك، وقالت: "أنا مفكرتش أدخل جولات التيك توك ولكن جربت اطلع في لايڤات مرتين واتكلمت مع الناس في مواضيع عادية تفيدهم ونساعد بعض، أول مرة اطلع لايڤ كانت لطيفة ولكن في المرة التانية شوفت تعليقات مش لطيفة وألفاظ خارجة معني اتكلمت عن روتين شعري وحاجات عادية".

أزمة ريم أحمد وفيديو رقصة الزومبا

وعن انتشار فيديو لها في فعاليات خاصة لحضورها فعاليات التبرع لمريضة سرطان الثدي وقالت ريم أحمد: "قبل ما أبقى مذيعة نزل فيديو ليا من درس رقصة الزومبا من فعاليات سرطان الثدي قلب السوشيال ميديا  ودي كانت للسيدات فقط وفي البداية كان ممنوع التصوير".

وأضافت ريم أحمد: "البنت اللي صورتني اعتذرت بس بعد ما الفيديو انتشرت وبقى تريند وبعد ما شتموني وطلع ني شاربة كل أنواع المخدرات وسكرانة، قعدت 3 أيام في البيت عندي احباط ومش عارفة أنام".

واختتمت ريم أحمد حديثها عن وفاة والدتها قالت: "راحت في ثواني مني وملحقتش أودعها ولا أعمل لها حاجة كان نفسي أودعها وجوزي هو اللي صحاني وقالي مامتك بتروح".