متتجوزوش ومتشاركوش .. خبيرة فلك تحذر من التعامل في هذه الأمور بداية من غدا

قالت رحاب منيعم خبيرة علم الفلك، أن بداية من غدا 5 اغسطس وحتى يوم 28 من نفس الشهر هيتراجع عطارد، وله تأثير واضح خلال هذه الفترة على جميع الأبراج.

تأثير تراجع كوكب عطارد على الأبراج 

وأشارت رحاب منيعم خبيرة علم الفلك، في منشور رصده موقع تحيا مصر، عبر حسابها الشخصي على موقع التواصل الاجتماعي فيسبوك، «عطارد هيتراجع لمدة كام يوم في العذراء وبعدها يرجع تاني لبرج الاسد متراجع 

تراجع عطارد بياثر على كل الأبراج وعلى الحياة بشكل عام لأنه الكوكب المسؤول عن التواصل والانفصال وطريقة كلامنا وتفكيرنا وبتراجعه بيزيد النسيان والتشتيت وبيقل تركيزنا 

طول فترة تراجع عطارد لا يفضل توقيع اي عقد ولا عقد قران  او زواج او  اخد قرارات مهمة تتعلق بالعمل تحديدا  واجراء التحاليل والاشاعات الطبية خاصة الاسبوع الاول من تراجعه لان دايما هتلاقوا فيها غلطة او متطلعش مضبوطة مع التراجع اللي هيستمر حوالي 20 يوم  بيزيد مشاكل واعطال خدمات الانترنت وربما عطل يضرب احد مواقع التواصل الاجتماعي او تطبيق او سيستم او احد الخدمات المتعلقة بالانترنت ».

واضافت، «ربما تعطل او توقف لحركة  او وسيلة سفر  وبيزيد اعطال السيارات والاجهزة الالكترونية بدون سبب خاصة لموبيلات و لابتوب والكومبيوتر مع التراجع زي ماتعودتم ربما يعود لكم اشخاص من الماضي يرجعوا يظهروا تاني وزي كل مرة انتوا حفظتوا متاخدوش قرارات بالعودة الا بعد انتهاء التراجع لان اغلبهم بيختفي بعد انتهاء التراجع للبعض ربما تعود فرص أو امور اتعطلت من اسبوع او اتنين رغم ان التراجع عادة فترة فيها تعطيل وتاخير كتير لامورنا كل واحد حسب خريطته لكنه فترة دايما فيها كارما وفرص لانهاء امور متعلقة او تعيد فرصة تصلحوا غلطة او موقف او تاخدوا قرار مختلف واحيانا عودة حقوق أو مال سلفتوه لحد وربما اعتذارات »

وتابعت، «الهجمات السيبرانية او الاختراقات او تعطيل نظم أمنية هي الأقرب للحدوث خلال ال3 ايام القادمة وربما تعطيل سيستم او تعطيل او توقف حركة الطيران او النقل البحري بين بعض الدول، الاكشن هيبدأ فعليا من بعد يوم 6 لازم نحط في الاعتبار ان مريخ الجوزاء هو الحروب الكلامية والتصريحات العنيفة ».