انجي علاء تكشف آخر لقاء لها مع المنتج الراحل حسام شوقي: كان مبتسم وهادي زي ما يكون في دنيا تانية

خرجت السيناريست انجي علاء لتكشف عن آخر لقاء بينها وبين المنتج الراحل حسام شوقي، الذي توفى إثر تعرضه لحادث سير مروع على طريق الضبعة ورحل معه كلا من المنتجين محمود كمال وفتحي اسماعيل وتامر فتحي بشكل مفاجئ، ما أصاب الوسط الفني بحالة من الفذع الشديد.

انجي علاء عن حسام شوقي: آخر مرة شوفته كان مبتسم وهادي زيادة 

وقالت انجي علاء في منشور عبر حسابها الرسمي بموقع تبادل الصور والفيديوهات انستجرام رصده موقع تحيا مصر:  بحاول مافكرش من ساعة اللي حصل واهرب بأي طريقة من الواقع المرعب ده.. لسة مش قادرة استوعب.. اخر مرة قابلت حسام لقيت فتحي قبلها ربنا يرحمه ويحسن إليه بيكلمني بيقولي على الميعاد.. استغربت لاني عارفة ان حسام وقتها كان مشغول ومسافر وكنا هنتقابل اما يرجع المهم حسام قالي انا جيتلك في النص المكتب مخصوص بسرعة ولازم اسافر على طول وكانت مقابلة كلها اخبار مش كويسة وكانت حالتي النفسية ملخبطة والشغل وقصصه.. حسام كان مبتسم وهادي زيادة.. زي ما يكون في دنيا تانية.. كان في حاجة غريبة فيه وفكلامه مافهمتهاش وقتها.. فهمتها دلوقتي.. فهمت كنت عايز تقول ايه يا حسام.

انجي علاء عن حسام شوقي: عمره ما زعل مني ولما كنت اتضايق واتعصب 

وتابعت انجي علاء حديثها عن حسام شوقي، قائلة: انا كنت عاملة زي الطفلة اللي كبرت في مكان وهي مش حاسة.. سنين شغل وشقى وفرح وعمره مازعل مني لما كنت اتضايق واتعصب عشان عارف قد ايه بحب الشغل وبخاف عليه.. اليوم ده كان عايز يقولي ان الطفلة كبرت خلاص وانها لازم هتكمل لوحدها.. كان بيحاول يعرفني اكمل ازاي.. طلع كان بيودعني وانا مش فاهمة.

انجي علاء عن حسام شوقي: عمري ما هنسى كلام يا كل حاجة نضيفة وحلوة 

واختتمت انجي علاء حديثها، قائلة: والله ما هنسى اللي قلتهولي والله ما هنسى كلامك ونصايحك ياخويا واستاذي وكل حاجة نضيفة وحلوة وأحلى ايام.. مش هنسى اكيد بس يارب اقدر اكمل في الدنيا الصعبة دي.. ربنا يرحمك يا حسام انت وفتحي وتامر ومحمود ويسكنكم فسيح جناته ويصبرنا ويهونها علينا.

بصرخ من جوايا.. الفنان طارق النهري ينعي المنتجين الأربعة ضحايا حادث الضبعة

جدير بالذكر، أنه من المقرر إقامة عزاء كلا من المنتجين حسام شوقي ومحمود كمال وفتحي اسماعيل وتامر فتحي في مغرب اليوم الأحد وذلك في مسجد الشرطة بالشيخ زايد  ومن المتوقع حضور عدد كبير من نجوم الوسط الفني.