عاجل.. الحبس عام لـ سائق أوبر المتهم بواقعة الفنانة هلا السعيد

تطورات جديدة في قضية سائق أوبر المتهم بواقعة الفنانة هلا السعيد حيث قضت محكمة جنح الشيخ زايد بحكمها في القضية، ويرصد موقع تحيا مصر تفاصيل الحكم.

جابت لنا العار.. اعترافات مثيرة لقاتل شقيقته في الفيوم

تأجيل أولى جلسات محاكمة البلوجر هدير عاطف في اتهامها بالنصب

حكم رادع.. مشدد 15 عاما لـ سيدة أدارات مركز مساج للأعمال المنافية

500 ألف جنيه.. محامي ضحية هدير عاطف يطلب تعويض مبدئي

الحبس عام لـ سائق أوبر واقعة الفنانة هلا السعيد

حيث قضت محكمة جنح الشيخ زايد، بمعاقبة سائق أوبر المتهم بالتحـ ـرش بالفنانة هلا السعيد على محور الضبعة بالحبس عام وكفالة مالية 1000 جنيه وذلك بتهمة ارتكاب فعل فاضح.

وكانت نيابة الشيخ زايد أحالت سائق أوبر، المتهم بالتحرش بالفنانة هلا السعيد أعلى محور الضبعة، إلى محكمة الجنح بعد حوالي أسبوع من الواقعة حيث اتهمت الفنانة هلا السعيد السائق بالتحـ ـرش بها وتم إحالته للمحاكمة بتهمة التبول في الطريق العام.

أقوال سائق أوبر بواقعة الفنانة هلا السعيد

وقال مصطفى سائق اوبر واقعة هلا السعيد في مقطع فيديو ان الحادث وقع منذ حوالي أسبوع قرابة الساعة الحادية عشرة والنصف صباحا، عندما تلقى طلبا من شخص يدعى "جلال" للذهاب الى مدينتي عقب عودته من الشيخ زايد، وتوجه الى الموقع المحدد وشاهد العميل سيدة فتأكد من طلبها للسيارة وعندما أكدت له انها العملية أقلها واتجه الى المكان المحدد.

وأضاف سائق اوبر أن سيارته تعمل بالغاز والبنزين وأثناء القيادة اعلى محور الضبعة وقبل كارتون كوبري تحيا مصر بمسافة قليلة، نفذ منه الغاز، فقال إن السيارة تلقائيا بالعمل على "طلمبة البنزين" فكان يجب إيقاف السيارة حتى تعمل طلمبة البنزين جيدا واستأذن العميلة في التوقف فوافقت.

أقوال الفنانة هلا السعيد في واقعة سائق أوبر

وقال سائق أوبر في تحقيقات واقعة هلا السعيد، اللي حصل أني شغال أوبر على العربية بتاعتي وقبلت الرحلة وأنا على طريق الضبعة طرمبة البنزين سخنت مني قولتلها هنقف دقيقتين بس الطرمبة تهدى شوية ونتحرك ونزلت من العربية.

وتابع سائق أوبر بقضية هلا السعيد، نزلت من العربية وفتحت الشنطة الخلفية عشان أقضى حاجتي بعد كدة لاقيتها فتحت الباب ونزلت جري انا استغربت وقفلت حزام البنطلون بسرعة وبعد اقل من نص دقيقة تحركت بعيد عنها على رجلي عشان أنا تعبان ومقدرش امسك نفسي من التبول.

هلا السعيد تكشف تفاصيل واقعة أوبر

وقالت هلا السعيد خلال التحقيقات، اللي حصل ان انا امبارح ۲۰۲٤/٥/٢٢ حوالي الساعة ۳۰ : ۱۱ الصبح كنت نازلة من بيتي علشان كنت رايحة مشوار في مدينتي وساعتها طلبت على أوبر عربية علشان توصلني لمدينتي وفعلاً التطبيق أوبر جبلي العربية اللي رقمها ب ر ق /٤٥٧ ماركة بي واي دي فيراني اللون واسم القائد السيارة مصطفى وهو ده اللي قبل الريكوست وجالي عند بيتي في سوديك وركبت معاه وساعتها متكلمش معايا خالص ولقيته ماشي وواخد طريق محور الضبعة علشان يوديني لمدينتي.

وفجأة وأنا راكبة معاه خلال سبع دقائق لقيته هدى بالعربية وراح راكن علي جنب وساعتها سألته انت وقفت ليه راح قايلي علشان فيه عطل في العربية وقالي ان الطرمبة سخنت ولقيته نزل من العربية وراح لافف ناحية الشنطة وفتح شنطة العربية وساعتها سمعت صوت خبط في شنطة العربية فأنا حسيت ان هو بيجيب حاجة منها فلفيت علشان اشوف هو بيعمل إيه فلقيت حزام وزرار بنطلونه مفتوح وكان حاطط ايده علي مكا حساس معرفش هو بيعمل ايه وانا ساعتها خوفت منه علشان الطريق كان مقطوع والمشاكل اللي بتحصل اليومين دول روحت فاتحة باب العربية ونزلت أجري حوالي ٢ متر لورا تقريباً وساعتها فضلت اشاور للعربيات علشان حد يقفلي بس محدش وقفلي.