متشتريش عربية ولا موبايل .. خبيرة فلك تثير الجدل بتوقعات الفترة المقبلة

قالت رحاب منيعم خبيرة الفلك، أن قمر برج الثور يبدأ من مساء اليوم لمدة يومين ونصف وله بعض التأثيرات السلبية منها زيادة الأسعار.

وأشارت خبيرة علم الفلك، في منشور رصده موقع تحيا مصر، عبر حسابها الشخصي على موقع التواصل الاجتماعي فيسبوك، «دايما قمر الثور مرتبط بزيادة اسعارمصادر الطاقة والنفط والمعادن والخدمات والتغييرات الاقتصادية والقرارات الخاصة بالبنوك، وبعيد عن ده يومين مناسبين لقص الشعر بغرض تحسينه وعلاجه لكنه مش مناسب اوي لغرض اطالة الشعر و مناسب للتجميل».

مصر برج الجوزاء .. خبيرة فلك تحذر من انتشار الشائعات لهذا السبب

خبيرة فلك تحذر من زيادة الحوادث والأعطال .. وانتبه من هذا الأمر

كما أكدت، «يومين جيدين لفتح حسابات بنكية خاصة بكرة بيزيد نشاط الزلازل او انهيارات المنازل أو البيوت والمنشآت خاصة من مساء الغد لمدة 3 ايام بسبب اقتران القمر باورانوس وربما عطل في سيستم بنكي او حكومي أو ابلكيشن وربما حادث اختناق بغاز او حريق ربنا ينجي الجميع

بيزيد نشاط العواصف الترابية والهواء عموما بسبب مريخ الجوزاء».

واضافت، «عطارد حاليا انتقل لبرج العذراء وده بيت شرفه لكنه هيتراجع من يوم 2 اغسطس وهو حاليا تربيع المريخ وعلشان كده بيزيد نسب الحوادث وتعطل وسايل سفر او انتقال ومفضلش اننا نشتري سيارات او موبيلات لنهاية اغسطس».

ونوهت، «النهاردة لمساء اليوم مناسب لبدء رياضة او الاشتراك في الجيم او بداية دايت، اللي عنه معاملات ورقية  #حكومية او بنكية  او اي امور تتعلق بالضرايب والحسابات يفضل ينهيها خلال ال3 ايام دول».

مصر برج الجوزاء 

وقالت خبيرة علم الفلك ، في منشور رصده موقع تحيا مصر على حسابها الشخصي على موقع التواصل الاجتماعي فيس بوك، «اسوأ حاجة في مريخ الجوزاء اللي مكمل معانا 40 يوم انه بيزيد انتشار الاشاعات لان الناس بيتحول طاقتها للكلام والرغي والهبد زي مانتوا شايفيين كده وهيبقوا اربعين يوم مش هنلاحق نلملم بقي اشاعات واخبار مكذوبة وافتراءات ونميمة  فانتبهوا دايما من الكلام اللي بترددوه والكدبة اللي بتكتبوها والنميمة اللي بتنموها علشان عطارد حاكم الجوزاء هيتراجع خلال ايام وهيردلكم كل ده 

برضه بكره موسم مريخ الجوزاء لانه بيزيد معاه اخبار الحوادث والحرايق في مصر لان مصر برجها الجوزاء زي ماقلتلكم قبل كده».