دفاع سائق أوبر المتهم بواقعة هلا السعيد: صورته عشان الترند والشهرة بس
ADVERTISEMENT
تنظر محكمة جنح الشيخ زايد أولى جلسات قضية هلا السعيد في اتهامها لسائق أوبر بالتعدي عليها والتحـ ـرش بها، ويرصد موقع تحيا مصر التفاصيل الكاملة.
قضية سائق أوبر المتهم بواقعة الفنانة هلا السعيد
وقال دفاع سائق أوبر المتهم في واقعة الفنانة هلا السعيد، أن الفنانة قامت بتصوير المقطع عشان الشهرة والترند، والمتهم مريض بسبب عمليات جراحية جعلته لا يتحكم في التبول، دافعا بكيدية الاتهام وتلفيقه وتناقض أقوال شاهد الإثبات.
وكانت نيابة الشيخ زايد أحالت سائق أوبر، المتهم بالتحرش بالفنانة هلا السعيد أعلى محور الضبعة، إلى محكمة الجنح بعد حوالي أسبوع من الواقعة حيث اتهمت الفنانة هلا السعيد السائق بالتحـ ـرش بها وتم إحالته للمحاكمة بتهمة التبول في الطريق العام.
أقوال سائق أوبر المتهم بواقعة الفنانة هلا السعيد
وقال مصطفى سائق اوبر واقعة هلا السعيد في مقطع فيديو ان الحادث وقع منذ حوالي أسبوع قرابة الساعة الحادية عشرة والنصف صباحا، عندما تلقى طلبا من شخص يدعى "جلال" للذهاب الى مدينتي عقب عودته من الشيخ زايد، وتوجه الى الموقع المحدد وشاهد العميل سيدة فتأكد من طلبها للسيارة وعندما أكدت له انها العملية أقلها واتجه الى المكان المحدد.
وأضاف سائق اوبر أن سيارته تعمل بالغاز والبنزين وأثناء القيادة اعلى محور الضبعة وقبل كارتون كوبري تحيا مصر بمسافة قليلة، نفذ منه الغاز، فقال إن السيارة تلقائيا بالعمل على "طلمبة البنزين" فكان يجب إيقاف السيارة حتى تعمل طلمبة البنزين جيدا واستأذن العميلة في التوقف فوافقت.
سائق أوبر المتهم بواقعة هلا السعيد: معملتش حاجة
وقال سائق أوبر في تحقيقات واقعة هلا السعيد، اللي حصل أني شغال أوبر على العربية بتاعتي وقبلت الرحلة وأنا على طريق الضبعة طرمبة البنزين سخنت مني قولتلها هنقف دقيقتين بس الطرمبة تهدى شوية ونتحرك ونزلت من العربية.
وتابع سائق أوبر بقضية هلا السعيد، نزلت من العربية وفتحت الشنطة الخلفية عشان أقضى حاجتي بعد كدة لاقيتها فتحت الباب ونزلت جري انا استغربت وقفلت حزام البنطلون بسرعة وبعد اقل من نص دقيقة تحركت بعيد عنها على رجلي عشان أنا تعبان ومقدرش امسك نفسي من التبول.
هلا السعيد تكشف تفاصيل واقعة سائق أوبر
واستكمل سائق أوبر بقضية هلا السعيد، مكنتش قادر أمسك نفسي عشان تعبي وبعدها روحت لها وقولت لها مفيش داعي لكل ده انا تعبان ومريض واتحرجت اقولك انا نازل اقضي حاجتي بعدها قولت لها من غير خوف انا هنزلك الشنط بتاعتك وأمشي وعملت كدة ومشيت فعلا.
وقالت هلا السعيد خلال التحقيقات، اللي حصل ان انا امبارح ۲۰۲٤/٥/٢٢ حوالي الساعة ۳۰ : ۱۱ الصبح كنت نازلة من بيتي علشان كنت رايحة مشوار في مدينتي وساعتها طلبت على أوبر عربية علشان توصلني لمدينتي وفعلاً التطبيق أوبر جبلي العربية اللي رقمها ب ر ق /٤٥٧ ماركة بي واي دي فيراني اللون واسم القائد السيارة مصطفى وهو ده اللي قبل الريكوست وجالي عند بيتي في سوديك وركبت معاه وساعتها متكلمش معايا خالص ولقيته ماشي وواخد طريق محور الضبعة علشان يوديني لمدينتي.
وفجأة وأنا راكبة معاه خلال سبع دقائق لقيته هدى بالعربية وراح راكن علي جنب وساعتها سألته انت وقفت ليه راح قايلي علشان فيه عطل في العربية وقالي ان الطرمبة سخنت ولقيته نزل من العربية وراح لافف ناحية الشنطة وفتح شنطة العربية وساعتها سمعت صوت خبط في شنطة العربية فأنا حسيت ان هو بيجيب حاجة منها فلفيت علشان اشوف هو بيعمل إيه فلقيت حزام وزرار بنطلونه مفتوح وكان حاطط ايده علي مكا حساس معرفش هو بيعمل ايه وانا ساعتها خوفت منه علشان الطريق كان مقطوع والمشاكل اللي بتحصل اليومين دول روحت فاتحة باب العربية ونزلت أجري حوالي ٢ متر لورا تقريباً وساعتها فضلت اشاور للعربيات علشان حد يقفلي بس محدش وقفلي.
جوجل نيوز
تطبيق نبض
