رئيس اللجنة الطبية باللجنة الأولمبية المصرية يدعم جنى علي بعد الهجوم عليها من السوشيال ميديا

علق الدكتور حسن كمال رئيس اللجنة الطبية باللجنة الأولمبية المصرية، بعد تعرض جنى علي لاعبة المنتخب المصري للقوس والسهم للهجوم، بعد احتلالها المركز الـ 63 في المرحلة الترتيبية لمنافسات السيدات بأولمبياد باريس 2024، ويستعرض موقع تحيا مصر التفاصيل.

أولمبياد باريس 2024

ونشر حسن كمال عبر صفحته الرسمية على موقع التواصل الإجتماعي: “مساء الخير، حيث أنني أتشرف بكوني رئيس البعثة الطبية المصرية في الأولمبياد، والصحة النفسية جزء من مسئولياتنا تجاه اللاعبين، وتابع: “خليني أشرحلكم حاجة، البعثة زي أي بعثة في العالم  مكونة من ٤ مستويات من اللاعبين، أولاً أبطال مرشحين  للحصول على ميداليات، ثانيا أبطال محتملين مش مرشحين لكن قريبين، ثالثا لاعبين متوسطين في المستوى هيكونوا في مراكز متوسطة لكن صعب يحققوا، وأخيراً لاعبين مؤهلين لكنهم بعاد عن المنافسة لكن وجودهم مهم ليهم ولتأسيس مستقبل اللعبة في مصر ورفع المستوى تدريجياً“.

وواصل: “سعادتك لما بتتريق على اللي خسر وكان بعيد وتعمل حفلة كبيرة عليه مش بتغير نتيجته أثناء الدورة، أنت بتحط ضغط رهيب على الناس القريبة من تحقيق ميدالية واللي لسه هتلعب، وأكد: “اللاعيبة بقت تخاف من السوشيال ميديا أكتر ما بتخاف من المنافسين، أنا أتمنى في يوم أقدر أقول لكل اللاعيبة ما تخافوش، الناس في ضهركم سواء كسبتم أو خسرتم، وأتمنى تكونوا في ضهرهم فعلا لان اللاعبين اللي هنا دول أبطال شبه كل بيت وكل واحد فيكم، وبقوا أبطال أوليمبين واقفين في وسط العالم كله وبتكلفة لا تقارن بألعاب تانية ولا بدول تانية، الشباب مستنيين تشجيعكم وإن شاء الله يرفعوا رأسكم“.

واختتم: “الصورة صباح اليوم مع بطلة القوس والسهم جنى علي لما لقيتها قاعدة لوحدها قلتلها أنا فخور بيكي وقومي نتصور ، وهي شابة لطيفة وطيبة جدا على فكرة، وبطلة كبيرة على مستوى قارة أفريقيا وإن شاء الله اللي جاي أفضل“.