مي كساب: بيني وبين هشام ماجد كيميا عالية.. ومصطفى أبو سريع ماخدش المكانة اللي يستحقها

تحدثت مي كساب مشاركتها في مسلسل أشغال شقة بطولة هشام ماجد، وكشفت كواليس مشهد المال الحلال أهو لمصطفى أبو سريع في مسلسل العتاولة، من خلال برنامج الراديو بيضحك للإعلامية فاطمة مصطفى.

مي كساب تكشف كواليس مسلسل أشغال شقة

كشف مي كساب كواليس مسلسل أشغال شقة من خلال لقاءها ببرنامج الراديو بيضحك، رصده لكم موقع تحيا مصر، وقالت: "مسلسل أشغال شقة جزء من أبنائي من وقت ما كان كتاب في الأسواق، أنا ومحمد دياب طول الوقت كنا بنتكلم عن المسلسل ده وإني هبقى موجودة فيه ولا لا، تفوت السنين وفي الآخر هشام ماجد اللي يعمل المسلسل وبقيت جزء منه".

وأضافت مي كساب قائلة: "لما شركة الإنتاج كلمتني فرحت جدًا  لأن هشام من الناس اللي بحب طول الوقت اشتغل معهم، الكيميا بينا عالية جدًا، وبحبه على المستوى الإنساني لانه ابن أصول ومحترم من المهذبين اللي تحبي يبقوا في حياتك".

مي كساب: برتاح في الشغل مع هشام ماجد

وتحدثت مي كساب عن علاقتها بالفنان هشام ماجد وقالت: "على المستوى المهني برتاح في الشغل مع هشام ماجد عشان كده مترددتش وفرحت، كنت في لبنان وجيت لهم والحمدلله أن الحلقتين عجبوا الناس، كنت أتمنى غير الشخصية اللي بتسرق بس حظي كده".

بعد تهشم سيارته.. مجد القاسم يكشف تفاصيل حادث نجله: دخلوا في ترلة وصديقه تعرض لخلع في الكتف

مي كساب: كنت قلقانة من مشهد ضرب ابني.. وموت عم خميس كان صعب لأن صلاح عبدالله أبويا

مي كساب: المال الحلال أهو كان ارتجالي من مصطفى أبو سريع

وعلى صعيد آخر، كشفت مي كساب كواليس مشهد المال الحلال أهو، وقالت: "المال الحلال أهو كان ارتجالي من مصطفى أبو سريع وأنا بحبه جدًا، بحترم موهبته وشايفة أنه لسه ماخدش المكانة اللي يستحقها، هو طاقة تمثيلية كبيرة أوي ولسه عنده كتير وأنا من معجبينه".

واسترسلت مي كساب بالحديث عن موهبة مصطفى أبو سريع وقالت: "في اللوكيشن متقدريش تمسكي نفسك من الضحك بسببه، لأن أفيهه حاضر وده مهم للكوميديان، كنت بستعين بهلو عايزة أقول حاجة ودماغي عطلت وبيساعد ودي ميزة حلوة فيه".

واختتمت مي كساب قائلة: "الإفيه ده رزق وربنا رزقه به وابني نوح طول الوقت يقولي المال الحلال أهو وكان بيخليني تكلمه فيديو كل شويه، كنت بقوله معلش يا مصطفى ابني عنده حالة هلع منك، كل الناس بتحبه وهو يستاهل بصراحه وكلنا كنا مبسوطين بالإفيه وعارفين أنه ناجح والعتاولة يعني المال الحلال أهو".