مي كساب: شديت مع محمد سامي وزينة صالحتنا.. والجمهور متضايق وعايز جعفر العمدة

أكدت مي كساب أن ما تردد عن وجود خلافات بين أبطال مسلسل جعفر العمدة غير صحيحة، كما أشارت إلى أن الجمهور ينتظر جعفر العمدة 2 من خلال برنامج الراديو بيضحك للإعلامية فاطمة مصطفى.

مي كساب: جعفر العمدة من أحسن كواليس المسلسلات اللي عيشتها في حياتي

تحدثت مي كساب عن كواليس مسلسل جعفر العمدة، من خلال لقاءها ببرنامج الراديو بيضحك، رصده لكم موقع تحيا مصر، حيث قال: "جعفر العمدة من أحسن كواليس المسلسلات اللي عيشتها في حياتي، ويكفي أني خرجت بأخواتي زي أحمد فهيم وعصام السقا ومحمد رمضان ومنة فضالي".

وأضافت مي كساب قائلة: "إمبارح كنت في هلولة مع هالة صدقي وإيمان العاصي وأحمد عبد الله والمؤلف مهاب طارق إحنا طول الوقت مع بعض، كانت أجوائنا حلوة أوي أنا كنت جاية من أحلام سعيدة ليسرا وغادة عادل وشيماء سيف والحج عمرو عرفة والعدل جروب ومدام هالة خليل".

بعد تهشم سيارته.. مجد القاسم يكشف تفاصيل حادث نجله: دخلوا في ترلة وصديقه تعرض لخلع في الكتف

مي كساب: كنت قلقانة من مشهد ضرب ابني.. وموت عم خميس كان صعب لأن صلاح عبدالله أبويا

مي كساب: بعد مسلسل أحلام سعيدة قررت أن كواليس لازم تبقى حلوة

واسترسلت مي كساب قائلة: "يعني جاية من أجواء رايقة ومن ساعة مسلسل أحلام سعيدة، أنا أخدت القرار هو أن لازم كواليسي تبقى حلوة، ومش هسمح لحد يستدرجني لمهاترات فاضية".

وتابعت مي كساب عن كواليس مسلسل جعفر العمدة قائلة: "لما بدأنا جعفر العمدة كنت أنا وهالة وإيمان ومنة متجمعين 24 ساعة جايين ننجح، معانا ورق ومخرج جامد ونجم كبير محمد رمضان كل عوامل النجاح متوفرة لنا ومش هينفع نعمل غير كده".

مي كساب: شديت مع محمد سامي وزينة صالحتنا

وأكدت مي كساب أن كل اللي تردد في وقت المسلسل إشاعات، وقالت: "أنا الوحيدة اللي شديت أنا ومحمد سامي، كان بابا الله يرحمه في المستشفى وكنت عايزة أسيب التصوير شويه أروح أشوفه وأرجع، لكن بالنسبة لهم وقت كبير من مدينة الإنتاج لتجمع الخامس ومش مضمون".

وتابعت مي كساب قائلة: "شغل العيال بدأ وأنا مقموصة منك واتقمصنا من بعض وزينة تاني يوم قالت له دي مي كساب يعني أختك، محمد سامي ضحك وقالي هما حسدونا ولا إيه ووقتها كنت منهارة عشان بابا، الناس دايما بتكبر المواضيع وتقول كلام محصلش لكن والله كواليسنا كانت زي الفل".

مي كساب: أول مرة أشوف محمد سامي عنده ضبط نفس

وعلى صعيد آخر تحدثت مي كساب عن محمد سامي في اللوكيشن، وقالت: "أول مرة أشوف محمد سامي عنده ضبط نفس في مسلسل جعفر العمدة رغم كان بيضغط عليه كتير، في حاجات بتحصل قدامه لو حد مكانه مكنش عداها أبدًا ولكن كان بيعديها".

وتابعت مي كساب عن عمل جزء ثاني من جعفر العمدة وتعلق الجمهور به: "الجمهور متغاظ ومضايق مننا عشان مفيش جزء تاني من جعفر العمدة، عمرها ما حصلت لي في حياتي شوفت جمهور متعلق بعمل بالشكل ده، العتاولة نجح شوفت ردود أفعال الناس في مصر وبرا مصر ولكن يظل جعفر العمدة بالنسبة لهم حاجة مختلفة".

وأضافت مي كساب قائلة: "أنا بقول للجمهور أنا ماليش دعوة عندكم محمد رمضان ومحمد سامي اتكلموا معهم، لأن الجمهور متضايق وعايز جعفر العمدة 2 ولو اتعمل هتحمس له جدًا".

مي كساب: محمد سامي من كبار المخرجين في مصر

واختتمت مي كساب حديثها عن محمد سامي وقالت: "ثقتنا في محمد سامي وموهبته الكبيرة هو من المخرجين الكبار في مصر، حكاي شاطر وبيعرف يكتب وبيعمل توليفة اللي الجمهور بيحبها، في كيميا بين محمد سامي ومحمد رمضان عالية مع بعض ودي من عند ربنا وبيكتب لهم النجاح مع بعض، ولما الدويتو بيجتمع بيقدم لنا حاجة مختلفة ونجاح أكبر من اللي قبله".