محمد التاجي: مخرج قالي أقلع وصور مشهد في غرفة النوم.. ورفضت فيلم عمارة يعقوبيان بسبب مشهد مخل

كشف الفنان محمد التاجي سبب رفضه المشاركة في فيلم عمارة يعقوبيان للزعيم عادل إمام، وأشار إلى موقف محرج تعرض له في بدايته الفنية من خلال لقاءه ببرنامج مع خيري للإعلامي خيري رمضان.

محمد التاجي: المخرج قالي أقلع وصور مشهد في غرفة النوم

تحدثت محمد التاجي عن بدايته الفنية وتعرضه لموقف محرج، في تصريحات لبرنامج مع خيري رصدها لكم موقع تحيا مصر، وقال: "كنا مجموعة من الفنانين ضيوف شرف في الفيلم والمشهد كان يتطلب مني مطاردة أحد الأشخاص في الشارع كان يراقب زوج وزوجته في المنزل".

وأشار إلى طلب المخرج منه أن يقوم بمشهد مخل بغرفة النوم، وقال محمد التاجي: "بعد ما خلصت المشهد المخرج قالي أقلع وصور مشهد في غرفة النوم، كان المفروض اسأل في الاتفاق قبل التصوير، لو كنت عرفت من الأول كنت اعتذرت، لكن أنا كنت في منتهى الخجل جدًا، ومش عارف إزاي هصور المشهد".

قبل طرحه.. التفاصيل الكاملة لمسلسل مغلق للصيانة لـ أيتن عامر

المطرب أحمد جمال يكشف مواصفات فتاة أحلامه: فرفوشة.. ومتكونش أطول مني

محمد التاجي: الرقابة حذفت أغلب المشهد وربنا مش عايز يفضحني

ومن جانبه، عبر محمد التاجي عن حزنه لقيامه بهذا المشهد، وقال: "حسيت بخجل ولما رجعت لبيتي قولت للمدام حسك عينك تأخذي البنات وتروحي السينما تتفرجوا على الفيلم ده، ومن ستر ربنا الرقابة حذفت ثلاثة أرباع المشهد عشان ربنا مش عايز يفضحني، ومش عايرني أكون كده".

محمد التاجي: رفضت شيك على بياض بسبب مشهد مخل

وأشار محمد التاجي أنه تعرض لنفس الموقف في فيلم عمارة يعقوبيان ولكنه رفض الدور، وقال: "اتعرض عليا دور يشبهه في فيلم عمارة يعقوبيان وكان نفسي أمثل مع الزعيم عادل إمام، لكن قلت له لأ يا ابني اتفضل السيناريو والشيك على بياض والعقد وتوكل على الله".

وبرر محمد التاجي هذا القرار وقال: "قرأت مشهد مخل في فيلم عمارة يعقوبيان اتخضيت وقولت لهم ممكن أعمل أي دور تاني, لأني كنت عايز أقدم أي دور تاني عشان يكون في تاريخي مشهد مع الزعيم عادل إمام لكن رفضت الفيلم في النهاية".

واختتم محمد التاجي قائلًا: "رفضت شيك على بياض كان معروض عليا عشان الدور ده، بعد سنين مثلت مع الزعيم في مسلسل فلانتينو وسعيد أني لحقت أمثل معه قبل اعتزاله الفن، عادل إمام شخصية عظيمة ولازم تتحب".