خروج وهدايا .. خبيرة فلك تكشف عن مفاجآت سارة الفترة المقبلة
ADVERTISEMENT
قالت رحاب منيعم خبيرة علم الفلك، أن كوكب الزهرة ينتقل خلال ساعات لبرج الأسد لمدة 25 يوم بعد خروجه من برج السرطان.
وتابعت منيعم، في منشور رصده موقع تحيا مصر، عبر حسابها الشخصي على موقع التواصل الاجتماعي للصور والفيديوهات فيسبوك، «اللي كانت اغلب الوقت محترقة وضعيفة فيه وده سبب للبعض شوية لخبطة في العلاقات العاطفية وصرف مالي كتير لامور تتعلق بالمنزل او الاسرة.
الزهرة بتحكم حياتنا العاطفية واموالنا وتعتبر كوكب الحظ الاصغر وعلشان كده بتنقلها لبرج لبرج بتغير حظوظنا بانتقالها للاسد البرج الملكي بنميل كلنا اننا ندلع نفسنا وموسم العلاقات العاطفية اللي كلها بقي سهر وخروج وهدايا واهتمام زايد وبيزيد مصارفنا على اي حاجة ترفيهية او اي شئ غالي بسبب ومن غير سبب ».
توقعات الفلك هذه الفترة
واضافت، «الزهرة في اول 10 ايام هتكون في معارضة بلوتو وده ممكن يخليكم تتعرفوا ع ناس جديدة ربما من خلال الانترنت او حضور حفلات او اصدقاء مشتركين وربما صداقات تتحول لعلاقات عاطفية واهم مايميزها انها هتكون فيها غيرة واضحة ورغبة في التملك فحاولوا كده تستنضفوا اللي بتعرفوهم علشان ده موسم النرجسيين فلو حسيتوا بجو تملك زايد متفرحوش علشان غالبا ده مختل شويتين وهيبقي موسم عاطفي حلو البدايات وختامه من اللي بيتهي في برنامج رضوي الشربيني».
وتابعت، «موسم جيد لأصحاب المواهب والهوايات من أي نوع لازدهار شغلهم وللشهرة وهيبقي موسم بقي اللي كل شوية تريند ع حد جديد عايز يقلب مشهور وربما ظهور موهبة فنية فعلا عن طريق الصدفة ووقت جيد لفتح حساب ع موقع التواصل الاجتماعي للشهرة او للحملات الاعلانية وقت جيد لشراء الدهب».
واستكملت عبر منشورها، «الفترة دي وخلال الاسبوع القادم وارد نسمع عن فضايح وتسريبات تخص مشاهير أو بلوجرز و كشف علاقات عاطفية او زواجات سرية هيبقي موسم تسريبات وفضايح وربما قضايا عنف او تحرش تخص اطفال او مراهقين فحاولوا متجاروش المواضيع دي علشان زحل متراجع ومش هيسيب حد الا ويعلم عليه».
تحذير من الأطعمة التي يتناولها الأطفال
ونوهت، «خلوا بالكم وانتوا بتاكلوا وخاصة الاطفال علشان هيميلوا لرمي اي حاجة في بؤهم الفترة دي وابعدوهم عن اي مكان عالي في اللعب، وانتبهوا طبعا لمصادر الغاز وبلاش الخلطات العجيبة اللي بتعملوها للتنضيف»
أفضل وقت لقص الشعر
ونوهت، «مش مفضل قص الشعر على قمر ناري والقمر لسه بأول الشهر القمري لكن مفيش مشكلة لتغيير المظهر
من بكرة القمر هيعمل تربيع مع المريخ واورانوس بيزيد نشاط الحرايق والحوادث وربما حادث او حريق او انهيار لاماكن لها طابع ترفيهي أو اماكن تجمعات».
جوجل نيوز
تطبيق نبض
