ليلى عز العرب: فيلم ألف مبروك شدني لأن نجاحه مضمون.. والشهرة مش بتفرق معايا

كشفت ليلى عز العرب عن سبب مشاركتها في فيلم ألف مبروك لـ أحمد حلمي بعد غياب 7 سنين من ظهورها كومبارس في فيلم معالي الوزير، من خلال برنامج حواديت الناس في قناة الشمس.

ليلى عز العرب: فيلم ألف مبروك شدني لأن نجاحه مضمون

شاركت ليلى عز العرب في فيلم ألف مبروك بعد غياب 7 سنين عن أول مشاركة لها في فيلم معالي الوزير لأحمد زكي، وكشفت سبب ذلك من خلال تصريحات في برنامج حواديت الناس، رصدها لكم موقع تحيا مصر.

وقالت ليلى عز العرب: "فيلم ألف مبروك اللي شدني ليه أن عوامل نجاحه كانت مضمونة قبل ما يبدأ، سيناريو رائع وأحمد حلمي في عزه أحمد نادر جلال مخرج عظيم شارب السينما لـ كيعانه عشان كده الفيلم مايتسبش".

وأضافت ليلى عز العرب أن الفيلم جعلها معروفة عند الجمهور ولكن لا أحد يعرف اسمها وقتها، وعلقت قائلة: "دوري في فيلم ألف مبروك خلى الناس تعرفني بس ميعرفوش اسمي  كنت وقتها معروفة بوالدة أحمد حلمي".

موعد عرض مسلسل المتوحش الموسم الثاني

اعرف موعد وتفاصيل مسلسل مفترق طرق الحلقة 26

ليلى عز العرب: إحساس حب الناس ده حاجة عظيمة جدًا

ومن جهة أخرى، أكدت ليلى عز العرب أن الشهرة لا تفرق معها ولكن محبة الجمهور هي الأهم بالنسبة لها، وقالت: "مبتفرقش معايا الشهرة والفرق حسيته في حتى تانية إحساس حب الناس ده حاجة عظيمة جدًا محدش يقدر يشتريها ولا تفتعليها، أنا بتكلم من قلبي دايما واللي من القلب بيوصل للقلب والنجاح بتاع ربنا أنا بجتهد بس والنتيجة بتاعته".

ليلى عز العرب تكشف كواليس أول عمل لها في التمثيل

والجدير بالذكر، تحدثت ليلى عز العرب عن أول تجربة تمثيلية لها، وأن على الرغم من أنها شاركت في فيلم معالي الوزير لأحمد زكي بدور كومبارس إلا أن كان لها حضور خاص في العمل.

وقالت ليلى عز العرب: "ظهرت كومبارس في فيلم معالي الوزير ووقتها كنت لسه شغالة في البنك، مشهدي في معالي الوزير عرفني على أحمد زكي وعلى الدكتور سمير سيف والمخرج أكرم فريد ومشهدي في الفيلم استغرق يوم كامل، ولما ظهرت كومبارس كنت بتثبت لنفسي أني لو عايزة أمثل هعمل كده وكان لازم أنزل أجرب نفسي".