ليلى عز العرب: بدأت كومبارس في معالي الوزير.. وأسرتي عارضت تمثيلي

حلت الفنانة ليلى عز العرب ضيفة في برنامج حواديت الناس عبر قناة الشمس للإعلامية يمنى بدراوي، وكشفت عن بدايتها في عالم الفن بعد تركها لمجال البنوك وأول عمل هو معالي الوزير

ليلى عز العرب: مجال الفن صعب جدًا

كشفت ليلى عز العرب عن الصعوبات التي واجهتها في بدايتها الفنية، من خلال برنامج حواديت الناس، رصدها لكم موقع تحيا مصر، حيث قالت: "مجال الفن صعب جدًا أنا بحب التزم بالميعاد وده مش دايمًا ألطف حاجة في التمثيل".

وبررت ليلى عز العرب ذلك بسبب مواعيد العمل، وقالت: "لأن أوقات بتحصل ظروف أو بعض المشاهد تتأخر فتفضلي قاعدة بلا سقف لحد ما يقولوا لك تعالي وده بيضايقني، وده بسميه لوجيستيات الشغل ومش بتبقى ألطف حاجة، ممكن أصور بليل أو الصبح وعدد ساعات طويلة عكس شغلي في مجال البنوك قبل كده".

مشاجرة شيرين عبدالوهاب.. حسام حبيب يصل نيابة القاهرة الجديدة لسماع أقواله

لبلبة: قدمت في مسيرتي الفنية 93 فيلم وأتمنى رقم 94 يكون سعودي

ليلى عز العرب: التمثيل محدش يستحمله إلا إذا كان بيحبه أوي

وأكدت ليلى عز العرب أن التمثيل مهنة شاقة ومتعبة، وقالت: "الناس بتفتكر أن التمثيل حاجة سهلة والحقيقة أن محدش يستحملها إلا إذا كان بيحبها أوي".

وأشارت ليلى عز العرب إلى بداياتها الفنية، وقالت: "الفترة الأولى بتاعت التجارب كان فيها مشاكل في البيت كتير، لأن الكل  أجمع أني اتجننت ومخي مش مظبوط، أصحابي كانوا فرحانين بيا لما دخلت التمثيل وكانوا شايفين أني جريئة جدًا في الخطوة دي".

ليلى عز العرب: أسرتي عارضت دخول التمثيل

وأكدت ليلى عز العرب أن عائلتها رفضت دخولها عالم الفن، وقالت: "أسرتي عارضت دخول التمثيل وأولادي متعودين أني اللي عايزاه هعمله، وظهرت كومبارس في فيلم معالي الوزير ووقتها كنت لسه شغالة في البنك".

وأضافت ليلى عز العرب قائلة: "مشهدي في معالي الوزير عرفني على أحمد زكي وعلى الدكتور سمير سيف والمخرج أكرم فريد ومشهدي في الفيلم استغرق يوم كامل".

ليلى عز العرب: دخولي التمثيل جرأة ولكن محسوبة

واسترسلت ليلى عز العرب حديثها عن دخولها الفن، وقالت: "هي جرأة ولكن محسوبة ولما ظهرت كومبارس كنت بتثبت لنفسي أني لو عايزة أمثل هعمل كده وكان لازم أنزل أجرب نفسي".

واختتمت ليلى عز العرب حديثها قائلة: "موضوع الوقت اتغير لما اتنقل من الريلز للديجيتال لأن الديجيتال مش مكلف، لكن زمان يا ويل الممثل اللي يغلط ويضطر يعيدوا المشهد، لأن البكر كان بفلوس ودايما بقول يارب ليه مشتغلش في زمن البكر".