أحمد عز عن مسرحية ملك والشاطر: متطمن وأنا شغال مع يسرا.. والمسرح أبو الفنون

تحدث أحمد عز عن كواليس مسرحية ملك والشاطر التي عرضت ضمن فعاليات موسم الرياض في السعودية، وعن علاقته بالفنانة يسرا، من خلال لقاءه ببرنامج صباح العربية.

أحمد عز: يسرا نجمة كبيرة وصاحبة فضل عليا

عبر أحمد عز عن سعادته بالتعاون مع يسرا من جديد بعد 21 عامًا، من خلال مسرحية ملك والشاطر، بتصريحات لبرنامج صباح العربية، رصده لكم موقع تحيا مصر، وقال: "مدام يسرا نجمة كبيرة وصاحبة فضل عليا بعد ربنا في التواجد اللي أنا فيه".

وتابع أحمد عز قائلًا: "ببقى مطمن وأنا شغال معها ضهر ونجمة كبيرة ولها جماهيريتها، هي نفس يسرا اللي اشتغلت معها من 21 سنة بنفس الشغف والحب لكل الكرو".

انهيار وبكاء شيرين عبدالوهاب أثناء الاستماع لأقوالها

أحمد عز: الشغلانة دي صعبة جدًا.. وبكمل فيلم فرقة الموت

أحمد عز: المسرح مختلف عن السينما بتاخد رد فعل لحظي

ومن جهة أخرى، تحدث أحمد عز عن أهمية المسرح، وقال: "المسرح مختلف عن السينما لأن في المسرح في جمهور قدامك، وبتاخد رد الفعل لحظي والواحد لازم يبقى مركز بدرجة كبيرة".

واسترسل أحمد عز حديثه عن الأعمال التي يقدمها، وقال: "أنا من الشخصيات اللي مينفعش أعمل أي حاجة، طالما في حد جاي وقاطع تذكرة عشان  يتفرج لازم ياخد حقه، لازم نركز وميبقاش في غلطات خالص ونقدم حاجة تكون شيقة للناس".

أحمد عز: المسرح أبو الفنون ومهم الناس تخرج مبسوطة

وعلى صعيد آخر، أشار أحمد عز إلى أهمية المسرح، وقال: "المسرح أبو الفنون عشان كده يبقى له اهتمام كبير خاصة بالنص وبروڤات كتير، والأهم أن الناس تخرج مبسوطة وبتضحك ومن هنا بيجي التركيز".

وأكد أحمد عز أن العمل المسرح لا يعتمد على نجم واحد بل من وجهة نظره أن المسرح عمل جماعي، وقال: "العمل المسرحي مش بيعتمد على واحد بس ولكن بيعتمد على مجموعة من النجوم لأنه مش عمل فردي".

واختتم أحمد عز بأصعب ما واجهه في مسرحية ملك والشاطر، قائلًا: "الصعوبة أن إزاي يكون في إشارة ما بينا وأن الضحك ميأثرش علينا ويكون في تناغم بين الناس كلها، والبروڤات لأن العمل ضخم وفي ممثلين كتير واللي ورا الكواليس والاستعراضات ومن هنا بتيجي الصعوبة".