صابرين عن زوجها عامر الصباح: لو مكنتش اعرفه من 32 سنة مكنتش هتجوز تاني

صرحت الفنانة صابرين عن تفاصيل زوجها من المنتج اللبناني عامر الصباح، الذي كان بمثابة مفاجأة لكل الجمهور، حيث أكدت أن قصة الحب التي جمعتهما بدأت من حوالي 32 عاما، أثناء تصويرها فيلم أنا والعذاب وهواك.

صابرين تتحدث عن قصة حبها بزوجها عامر الصباح

كشفت الفنانة صابرين عن تفاصيل زواجها من المنتج اللبناني عامر الصباح خلال حوارها مع الإعلامية فاطمة مصطفى، في الراديو 9090، ورصده موقع تحيا مصر، حيث قالت: ناس قليلة جدًا اللي عرفوا أني اتطلقت وأنا مبحبش أتكلم عن حياتي الشخصية لأني عندي أولاد، وسنوات من العمر احترمها والعِشرة متهونش إلا على ولاد الحرام، وكل حد كان في حياتي مرحلة بشكره عليها، والنصيب ربنا كاتبه من قبل ما نتولد ومالناش دخل فيه.

وعلقت صابرين على بداية قصة حبها بزوحها، فقالت: بداية الحب كانت من 32 سنة، كنت بعمل فيلم أنا والعذاب وهواك وكان إنتاج والد عامر، وإخراج أستاذ محمد سالمان، وكان صديق والده، وخلال تصوير المشاهد دخل عامر وقولتله أهلًا يا أستاذ منتج، أنا كنت بتاعة إفيه حاضر طول الوقت، وهما كانوا بيضحكوا على الكلام المصري جامد، وإحنا بنصور اتولدت قصة الحب دي.

صابرين عن زوجها: انفصل عن بنت عمه واتزةج مرة كمان

وفي نفس السياق، تحدث الفنانة صابرين عن رجوعها لحبها القديمة بالصدفة البحته، فقالت: هو كان متزوج بنت عمه وكان على خلاف معاها في الفترة دي، وبدأت شرارة الحب تحصل، وأنا قولت ليه هدخل نفسي في المتاهة دي، ووالده توفي وهو سافر وبعدنا عن بعض، وهو انفصل عن زوجته الأولى واتجوز تاني، وأنا اتجوزت وانفصلت واتجوزت تاني وانفصلت.

وأضافت: وبعدين بالصدفة البحتة الصديقة لمياء عبد الحميد وأخوها وائل فهمي عبد الحميد، كان بيعرض عليا مسلسل واتقابلنا وكان في صديقة من الإنتاج بتكلمه وقالت إن هي راجعة مع عامر الصباح وهيعملوا مسلسل، أنا رجعت بالزمن وقالتلي أنه طلق، قولتلها أنا كمان اتطلقت بلا جواز وقعدت أضحك، وقعدت أحكي لـ لمياء ووائل على قصتي مع عامر، وفجأة لقيت رقم لبناني بيتصل عليا، كنت فكراه برنامج وطلع عامر الصباح.

بعد زواج صابرين من المنتج اللبناني عامر الصباح.. تعرف على عدد زيجاتها

مدحت العدل: فين المانع لما منى زكي تقدم أم كلثوم وهي أعلى من صابرين

صابرين عن خوفها ولادها بسبب الزواج: حسيت أني بنت ولادي مش أمهم

ومن جانبه، تحدثت صابرين على وقت لقاءها ب عامر الصباح من جديد، فقالت: سلم عليا وقالي أنتي بجد اتطلقتي؟ أنا مسافر لندن وهرجع أتجوزك، اللي بعدنا الـ 32 سنة دول أنا لازم أتجوزك دلوقتي حالًا بلا مقدمات، قولتله أنا عندي 3 رجالة، قالي سيبي كل حاجة حلوة في وقتها، وفجأة حسيت أني بنت ولادي مش أمهم.

وأضافت: فترة الخلافات قبل الطلاق كانت 15 سنة، وعمري ما بكيت قدام ولادي ولا كنت بشتكي، وكانوا خايفين عليا أني لو اتجوزت عامر الصباح أرجع للخلافات وأبقى متضايقة، وقالولي خدي بالك، ولما قعدوا معاه ولقوه عاقل بحكم سننا، وأن السن ده مش سن حب اتطمنوا، وأنا لو مكنتش أعرف عامر من زمان، كان مستحيل أني أتجوز تاني.