غادة عبد الرازق: ماليش منافسين على الساحة الفنية.. والناس شيفاني بطلة شعبية

كشفت الفنانة غادة عبد الرازق عن عدم وجود منافسين لها على الساحة الفنية، موضحة أن شخصياتها وقدرتها الفنية منفردة، ولا يوجد أي فنان على الساحة الفنية على مثيل شخصيتها وموهبتها، وأعربت عن سعادتها بنجاح فيلم تاني تاني ورجوعها من جديد إلى السينما.

غادة عبد الرازق: متأكدة إن مفيش حد على الساحة بينافسني

وصرحت الفنانة غادة عبد الرازق، خلال لقائها مع برنامج صباح العربية ورصده موقع تحيا مصر : ماليش منافس على الساحة الفنية، مفيش حد شبهي ودي حقيقة، ستايل غادة وتمثيلها وشخصيتها مش شبه حد، علشان كده أنا متأكدة إن مفيش حد على الساحة بينافسني.

وأضافت عن فيلمها الجديد تاني تاني وعودتها للسينما من جديد، فقالت غادة عبد الرازق: قبلت الفيلم ده لأنه رجعني للكوميدي تاني، وشخصية جديدة ومحدش يتوقع إن غادة تعمل الشخصية دي، ومتوقعتش النجاح اللي حققه فيلم تاني تاني، والجمهور قالي إنتي بجد دمك خفيف وارجعي للكوميدي تاني، لأن آخر حاجة عملتها كوميدي كان مسلسل الحاج متولي.

غادة عبد الرازق: الناس شيفاني بطلة شعبية والمخرجين بيوظفوا دا

ومن جانبه، تحدثت النجمة غادة عبد الرازق عن سبب اختيارها الدائم لشخصية المرأة القوية في أعمالها، فقالت غادة عبد الرازق: المخرجين بيطلبوني دايمًا لأن شخصيتي قوية، والناس شايفة إني البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة.

إلغاء العرض الخاص لفيلم تاني تاني بطولة غادة عبد الرازق

عاجل .. تفاصيل صادمة في واقعة سرقة شقة غادة عبد الرازق

آخر أعمال الفنانة غادة عبد الرازق

وعلى الجانب الآخر، عُرض مؤخرًا فيلم تاني تاني للنجمة غادة عبد الرازق، وهو بمثابة العودة للسينما بعد غياب سنوات كوال، وتدور احداثه حول هدى التي تجسد شخصيتها غادة عبد الرازق وهي أرملة وتعمل موظفة في بنك، ويتصارع على الوصول لها أثنان من اصدقاءه ويجسد دورهم الفنان بيومي فؤاد، وأحمد آدم، وتتطور الأحداث في إطار من الكوميديا.

ويشارك في بطولته فيلم تاني تاني عدد من النجوم، بجانب الفنانة غادة عبد الرازق، ومنهم: أحمد آدم، بيومي فؤاد، محمود حافظ، ثراء جبيل، دنيا ماهر، أمير صلاح الدين، سليمان عيد، إبرام سمير، إسلام شوقي، وآخرين، والعمل من إخراج شريف إسماعيل.