بربع مليون جنية.. هاجر أحمد تقاضي أحد المغاسل لجهاز حماية المستهلك بعد تلف حقيبتها

قدمت الفنانة هاجر أحمد بشكوى لحماية المستهلك بسبب تلف حقيبتها الخاصة باهظة الثمن من ماركة ديور العالمية، بعدما ذهبت بيها لاحد المغاسل الشهيرة بالقاهرة، وكانت النتيجة حرقها بالكامل، وتبلغ قيمتها حوالي 5000 دولا.

هاجر أحمد تقدم شكوى لحماية المستهلك

وكتبت الفنانة هاجر أحمد منشور عبر حسابها الرسمي بموقع الفيسبوك ورصده موقع تحيا مصر، وقالت: تجربتي السيئة مع مغسلة، ليها فروع كتير في القاهرة الجديدة.

وتابعت: من حوالي شهرين ونص، اتصلت بيهم اسألهم أن عندي شنطة غالية نوعها كريستيان ديور باهظة الثمن، وفيها بقعة كدة بالألوان بسيطة بنتي عملاها، وسألتهم هل تقدروا تشيلوا البقعة دي ولا لأ؟،  قالولي طبعا يا فندم إحنا كل شغلنا شنط ماركات وشنط غالية، للعلم أن سعرها الشنطة حاليًا تقريبًا 5000 دولار.

وأضافت: لأني عارفة إني لأزم أودي الشنطة للمكان بتاعها يظبطوها بس المشكلة أن أقرب مكان ليا دبي، وأنا مش مسافرة دبي الفترة دي أبدًا، بعد ما تواصلت معاهم أكدولي أنهم يقدروا ينضفوها بسهولة، وأنهم كمان بيستخدموا نفس المواد الكريستيان ديور بيستخدموها، قُلت أنا هديكم الشنطة وشوفوا هتعرفوا ولا لأ، لو لا ابعهتوهالي، وأكدت عليهم فوق الـ 50 مرة، قالولي إحنا عندنا فني بيحدد كمان هل يقدر يعمل كده ولا لأ ومش هنجازف يا فندم طبعًا.

توالف من جميع الجهات بشنطة هاجر أحمد

وأضافت هاجر أحمد: اتصلت بيهم قُلتلهم بصيتوا على الشنطة ولا لأ، قالولي طبعًا سهلة جدًا وهتوصل خلال أسبوع متقلقيش، قُلت تمام وأكدت أنها مش بتتغسل بماية ولا بتدخل غسالة، قالولي لا طبعًا لا ماية ولا غسالة ليها مواد معينة.

وأردفت: سبتهم خالص وبعتهولي بعد أسبوع، والصدمة كانت اللوجو بتاعها اللي بـ ماء الدهب ممسوح، والشنطة محروقة من جوة والأيد بتاعتها مكسورة، ومتقطعة من الجناب كلها دايبة وكل معالمها راحت، اتصلت بيهم قُلتليهم عايزة صاحب المكان كلمت واحد مش فاكرة اسمه، وقالي أنا شريك في المكان ونعملك اللي أنتي عايزاه، وتحت أمرك وكان محترم أوي أول مكالمة وقالي ابعتيلي الشنطة.

واستكملت هاجر أحمد: بعتله الشنطة اللي حاطنها في كيس بلاستيك، وبعتوهالي تاني وحط فيها كيس منفوخ عشان تسند طولها وبعتهالي معاها بوكيه ورد، طبعًا أنا رجعت الورد، وشوفت الشنطة، وكلمت الراجل قُلتله عملت إيه قالي رجعتهالك جديدة،  قُلتله حضرتك واعي للي بتقوله الشنطة احترقت أنتم ضحكتوا عليّا، الشنطة مبقاش ليها معالم واللوجو بتاعها اتمسح.

في عيد ميلاد هاجر أحمد| رفضت ارتداء المايوه بمسابقة ملكة الجمال.. ورسالة كانت السبب في انطلاقها بالتمثيل

ظهور جميل برسوم رغم وفاته.. لقطات من برومو فيلم أهل الكهف بطولة خالد النبوي

هاجر أحمد تتحدث عن تهرب العمال منها

وتابعت هاجر أحمد حديثها: يرد يقولي ما هو ده اللي أنتِ هتسامحيني فيها، قُلتله لا طبعًا علي فكرة أنتم سمعتكوا وحشة جدًا، وناس كتيرة عندهم تجارب سيئة معاكم، وعندي سكرين شوت أنكم بوظتوا حاجات كتير جدًا وكلها غالية، لأني سألت عليهم، قالي طيب مدام أنتِ عملتي كده، اللي تعرفي تعمليه اعمليه وأخبطي راسك في الحيطة.

وأضافت هاجر أحمد أنها قدمت شكوى لحماية المستهلم، حيث قالت: تقدمت بشكوى لحماية المستهلك، وبالفعل كلموني، أخدوا تفاصيل اللي حصل، صور وفيديو وسكرين شوت، لأني كلمت الشخص اللي شريك في المغسلة، على الواتس اب وبعتلي ڤيديو قبل وبعد، وڤيديو لغسيل الشنطة بسلك المواعين في طبق بلاستيك، بعت وأوفيت كل التفاصيل للواقعة.

وتابعت: محدش أهتم، كل أسبوعين يكلموني يقولوا ممكن تقلنا إيه اللي حصل قُلت في حاجة مش مظبوطة أنا كل أسبوعين بحكي وببعت كل حاجة ومحدش بياخد فعل، وفي مرة مكالمة معاهم قالولي هو مش الراجل بعت ورد ليكي، استغربت جدًا وآخر مكالمة حماية المستهلك قالولي الفاتورة بتاعة الشنطة اللي هيا 250 جنيها هيدوهالك تقريبا 10 أضعاف وده قانون حماية المستهلك.