كيف دعم عمرو يوسف ومحمد صلاح كندة علوش بعد إصابتها بالسرطان؟
![كندة علوش]( /UploadCache/libfiles/43/0/600x338o/462.jpg)
ADVERTISEMENT
أكدت كندة علوش على حرص زوجها عمرو يوسف واللاعب محمد صلاح على دعمها بعد إصابة كندة علوش بالسرطان، وكشفت عن تصعب لحظات علاجها.
كيف دعم عمرو يوسف كندة علوش بعد إصابتها بالسرطان؟
كشفت كندة علوش عن مصدر دعمها أثناء رحلتها للتعافي من السرطان، ودعم عمرو يوسف لها، خلال تصريحاتها في بودكاست specials، رصدها لكم موقع تحيا مصر، حيث قالت: "عيالي كانوا مصدر دعمي الأول استمديت الطاقة منهم وكان لازم أكون قوية عشانهم، وعمرو كان داعم قوي جدًا وهو بالدرجة الأولى شخص إيجابي مش بيستسلم للحزن ومش بيسب نفسه للخوف".
![](/Upload/libfiles/43/0/458.jpg)
وتابعت كندة علوش قائلة: "كان ماسك ايدي كل ما يشوفني خلاص هقع يرجعني كان معايا في الجلسات بالمستشفى ومعنويًا كان بيخفف عني وعايزني سعيدة، وجود شريك إيجابي وداعم، علمني إزاي اتعامل مع الأزمات بإيجابية من بداية ما ارتبطنا ببعض".
كندة علوش تكشف تصعب لحظات علاجها من السرطان
أنا عن أصعب لحظات علاج كندة علوش من السرطان كانت بالتزامن مع أحداث غزة، حيث قالت: "بعد ما خلصت المرحلة الأولى من العلاج الكيماوي وعملت بعده العملية وكانت طويلة وخسرت دم كتير ولسوء حظي أن ده كان مع أحداث غزة".
![](/Upload/libfiles/43/0/459.jpg)
وأكدت على متابعتها للأحداث والتواصل مع الناس ورغبتها في المشاركة، وقالت كندة علوش: "وقتها قررت أتابع وانخرط مع الأحداث لأن كانت خيانة أني متابعش على الأقل والحقيقة أن المرحلة دي اللي اتدمرت فيها نفسيًا، وتعبني إحساسي بالظلم الرهيب اللي اتعرض له أبناء غزة".
واستكملت حديثها قائلة: "ده موتني كنت بصحى وبنام وأنا ببكي ودخلت في حالة تشبه الكآبة واستمر الموضوع حوالي شهر لحد ما وقفني عمرو وقالي مش مسموح لك لأن حالتك النفسية متسمحش لكن أنا كنت بشوفها أنانية مني".
![](/Upload/libfiles/43/0/460.jpg)
كندة علوش تكشف سبب ظهورها بوزن زائد
تعرضت كندة علوش للهجوم بعد ظهورها مع زوجها عمرو يوسف وعبدالباسط حمودة بوزن زائد، وعلقت على ذلك: "صورتي مع عمرو وعبدالباسط حمودة في المصيف، البعض تنمر عليا وعلى شكلي ووزني، لكن لي الوقت ده كنت خارجة من عملية وباخد كيماوي وطبيعي يأثر عليا".
وأضافت كندة علوش: "الناس استسهلت الحكم عليا بدون ما يعرفوا أنا بمر بإيه وزعلت جدًا لأن أنا في الأصل كنت مضايقة من الآثار الجانبية للعلاج لأنها كانت صعبة بس ده خلاني أتعلم محكمش على الناس".
![](/Upload/libfiles/43/0/461.jpg)
محمد صلاح ودعمه لـ كندة علوش في رحلتها مع السرطان
وكشفت كندة علوش دعم اللاعب محمد صلاح لها أثناء رحلتها مع السرطان، وقالت: "عمرو جت له مكالمة في فترة مرضي وكان متحمس أوي وكان وقتها بيكلم محمد صلاح بعد ما عرف عن مرضي من حد وقاله في أي وقت حابب تعمل فحص في لندن بيتي موجود أو تبعتوا لي الورق وأنا أبعته للدكتور".
وعبرت عن سعادتها لدعم محمد صلاح لها: "وقتها قولت لعمرو أنا مش مصدقة إيه الحلاوة دى وبعد فترة برضو عمرو نادى عليا وقالى في حد عايز يكلمك وكان محمد صلاح واطمن عليا وقالي أنتي ليكي عيلة وبيت لو عايزة أي حاجة وهطمن عليكي تاني، قد إيه هو إنسان حقيقي وبسيط دور على الرقم واتصل أكتر من مرة وكان بيقولي أنتي غالية علينا أوي".