بطائرة خاصة.. أحمد سعد يصل إلى المغرب لحفله بمهرجان موازين

يستعد الفنان أحمد سعد لحفله ضمن مهرجان موازين في المغرب المقرر أن تقام بعد قليل، حيث وصل منذ قليل للأراضي المغربية بطائرة خاصة.

أحمد سعد يصل إلى المغرب استعدادًا لحفله

نشر أحمد سعد مقطع فيديو أثناء رحلته إلى المغرب، على أنغام أغنيته إيه اليوم الحلو ده، عبر حسابه الرسمي بموقع تبادل الصور والفيديوهات الإنستجرام، رصده لكم موقع تحيا مصر.

وعلق أحمد سعد على الفيديو قائلًا: "وصلت الآن إلى المغرب مبسوط جدًا أني هقابل جمهوري الحبيب في مهرجان موازين النهاردة الساعة 10 مساءً على مسرح النهضة ومتحمس جدًا أني أشوفكم.. جاهزين؟".

أبرز تصريحات أحمد سعد في sold out

حل أحمد سعد ضيف على برنامج sold out للإعلامي محمود سعد، وكشف عن تفاصيل في حياته الشخصية والفنية، وتحدث لأول مرة عن طليقته علياء بسيوني، وجاءت تصريحات أحمد سعد كالتالي:

• ندمان أني لبست حلق والله العظيم بس الحلق مش بتاع ستات بس.
• دورت على أكبر استايليست في إيطاليا عشان يلبسني لكن هو تقريبًا قلعني ملبسنيش بالشبك اللي لبسهولي ده.
• ناس كتير لبست شبك مش أنا لوحدي وكنت بتشتم 3 أيام في الأسبوع زي المضاد الحيوي وكنت مبسوط.
• اخويا سامح رقم واحد خلقًا وعلمًا ومحترم بشكل يغيظ بيقول لماما حضرتك وبيلبس شبشب في البيت.. ده أنا مبلسهوش في الشارع.
• أنا كدة تمام مش عايزة أتجوز تاني.
• عملت أغنية بعتذرلك لبنتي عشان مش قادر أكون معاها دلوقتي.
• الست هي المحرك الرئيسي لأي رجل يعني أي راجل عظيم وراه ست قوية.

• مش بنتي السبب في طلاق.. أنا كان بيني وبين علياء شغل كتير جدًا وهي حبت الشغل معايا لدرجة أننا أهملنا حياتنا الأسرية.
• الست عندها قدرة في الزن رهيبة لو استغلتها بطريقة إيجابية هتنجح الراجل اللي معاها.
• عمرو بينتقدني بشكل وحش أوي، لما بسمعه أغنية بكون تعبان فيها أوي يقولي إيه القرف ده.
• عمرو من أهم الناس اللي أنا بتسند عليه دلوقتي هو وجمهوري.

أحمد سعد يثير الجدل بمقطع فيديو الاستحمام

والجدير بالذكر، أن أحمد سعد أثار الجدل بعدما نشر مقطع فيديو له وهو يستحم عبر حسابه الرسمي بموقع تبادل الصور والفيديوهات الإنستجرام مما أثار غضب الجمهور لأن هذا الفعل لا يتناسب مع مجتمعنا الشرقي.