محمد الشرنوبي: سافرت المالديف وحتت تانية كتير مفيش حاجة زي سيناء

كشف الفنان محمد الشرنوبي عن تغير كبير في شخصيته بعد مروره بالعديد من الأشياء ادتي جعلت منه شخص أقوى وأنضج، وأن افضل الأماكن بالنسبة له تكون في سيناء دون عن غيرها من مدن العالم.

محمد الشرنوبي: لما بحب ابقا رايق بسافر سيناء

صرح الفنان محمد الشرنوبي في تصريحات رصدها موقع تحيا مصر عن النضج الكبير الذي يصاحبه الآن في شخصيته، وأوضح أن السبب يرجع إلى خطوة الطلاق التي اتخذها منذ فترة، فقال: "بحس إني نضجت بدري وبدأت شغل بدري جدًا ودخلت تحديات كبيرة مع الحياة بدري واتجوزت وطلقت بدري، وعملت كل حاجة في حياتي بسرعة".

وأضاف: ": لما بحب أبقى رايق بحب أسافر خاصة سيناء، أكثر حتة في الدنيا بتخليني هادي ورايق وهمومي كلها بتسقط، بتروح فجأة مبتفكرش في أي حاجة، ولا تمسك موبايلك، فجأة بتحس إن الهم اللي على قلبك بيختفي دي حاجة إلهية جدا ملهاش تفسير، سافرت المالديف وحتت تانية كتير مفيش حاجة زي سيناء.

وتابع محمد الشرنوبي حديثه عن الفرق بين اللحن والتوزيع، فقال الشرنوبي: "في فرق بين اللحن والتوزيع، والناس دائما فاهمة العكس واللحن الكلمة لما بتتغنى، والتوزيع بيكون من لما بتبتدي تحط مزيكا على الألحان عشان تطلع أغنية وبيكون كلمات مصاحبه لـ اللحن".

آخر أعمال الفنان محمد الشرنوبي

جدير بالذكر، طرح الفنان محمد الشرنوبي آخر أعماله الفنية تزامنًا مع موسم عيد الأضحى المبارك، وجاءت تحت عنوان "استغنينا" والتي تم طرحها على موقع الفيديوهات الشهير يوتيوب وجميع المنصات الرقمية، والأغنية من كلمات وألحان عزيز الشافعي، وتوزيع موسيقي إلهامي دهمية.

وسبق أغنية "استغنينا" أغنية "ما كفاية" التي طرحها الفنان محمد الشرنوبي وحققت نجاحاً كبيراً على موقع الفيديوهات الشهير يوتيوب، والأغنية من كلمات خالد عصام، وألحان محمد الشرنوبي وخالد عصام، وتوزيع موسيقى نوفو عيسى أسود.

محمد الشرنوبي: هنا الزاهد هتكون مفاجأة مسلسل إقامة جبرية والأخيرة: متحمس ان الناس تشوفه

تهنئة غريبة من محمد الشرنوبي وقبلة جريئة.. لقطات من حفل زفاف لينا الطهطاوي ومحمد فرج

كلمات أغنية ما كفايا

وجاءت كلمات الأغنية كـالتالي: 
بقول الوقت ده هيفوت، هنرجع تانى بعد سكوت، و مش خلصانه يا حكايتى، عشان لسه فى شوق موجود، عشان انا لسه فى عندى، كلام من قبل ما تعاندى، وادينى صبرت ع الايام، واديكى لسه مش جنبى، ما كفاية مفيش يوم يعني وحكاية، يقولو ع اللى جوايه، تحنى و ترجعى ليا، ماتبقيش ضعفى و اذايا، مفيش لحكايتى دى نهاية، تكونى فيها و معايا، مفيش يعنى كلام ينفع، ولا انتى بقيتى نسايه.. 

دخلت بحبى ليكى رهان، و قولت الحب نفسه ضمان، هتبقى و هبقى انا جنبك، وادينى لوحدى انا الخسران، طلعتى حسبه مافهمهاش، و قلبى يموت اوى لو عاش، قالولى ان اللقا ده نصيب، طلعتى نصيب و لسه مجاش، ما كفايه، طب اعمل ايه فى اللى انا فيه، اسيب يعنى اللى واجعنى و اعيش اداريه، ما كفايه.