كريمة تطلب الخلع: بيسرق غسيل الجيران والشكولاتة من المحلات ويقولي براضيكي

كريمة سيدة أربعينية استغاثت من زوجها أمام محكمة الأسرة في الكيت كات طالبة الخلع منه بسبب سرقته غسيل الجيران واكتشاف جرائمه بسرقة الغسيل من الجيران وأيضا سرق الشكولاتة من المحلات لإهدائها لزوجته.

لحظات مرعبة.. أمن القاهرة ينقذ 5 أشخاص احتجزوا داخل مصعد بمصر الجديدة

يوم ما أبطل أشجع هكون ميت أكيد.. آخر تطورات حادث مشجعي النادي الأهلي

تفاصيل وتطورات قضية فتاة البراجيل.. المتهم: سيد خد مني رحاب خطيبتي

مفاجأة.. سفاح التجمع الخامس اقتحم منزل زوجته بالقاهرة وكانت ستكون أولى الضحايا

كريمة تطلب الخلع من زوجها: بيسرق غسيل الجيران

سردت كريمة قصتها بالكامل مع زوجها لـ موقع تحيا مصر قائلة «أنا مكملتش تعليمي ووقفت عند أولى ثانوي، وقعدت في البيت كنت بخدم أبويا وأمي وستي الله يرحمها، وساعتها مكنش ليا هدف في الحياة وكانت حياتي في هذه الفترة في خدمة والدي ووالدتي وستي الله يرحمها، ومكنش عندي أي حاجة تاني أعملها لحد ما جوزي أتقدم لأسرتي عشان يتجوزني».

وتابعت كريمة قائلة «جوزي راجل أكبر مني بـ 4 سنين وكان بيشتغل في ورشة الوميتال وهو بيفهم في شغله جدا، وكان بيكسب كويس، واتقدم لأهلي عشان يطلب إيدي ويتجوزني وأنا ساعتها وافقت على ده وبعدها اتخطبنا فعلا فترة صغيرة حوالي 6 شهور ممكن أقول إني مقدرتش افهمه ساعتها ولا اعرفه كويس بس اتجوزته بعد الفترة دي ما خلصت».

كريمة تطلب الخلع: بيسرق الحاجات الحلوة من المحلات ويجيبهالي

واستكملت كريمة قائلة «بعد الجواز كان جوزي عادي جدا وكنت بنزل الصبح ابص على والدي ووالدتي وجدتي وأرجع اكمل في بيتي وأعمل الأكل، وهو كان مبسوط معايا وبصراحة كان بيجيب لي كل حاجة حلوة في البيت في الفترة دي، لحد ما الدنيا خبطت معاه في الفترة دي وساب الشغل، وبقى بياخد شغل الوميتال كل فترة، والظروف المادية بقت وحشة معانا في البيت ».

وأضافت كريمة «في الفترة دي جوزي مكنش بيقطع الحاجات اللي بيجيبها لي في البيت وكان كل يوم يدخل عليا بشيكولاته أو مرة تانية يجيب لي هدوم تكون مستعملة ويقولي لقيتهم بسعر كويس وأنا مكنتش مركزة خالص أن إزاي بيجيب الحاجات دي والظروف صعبة ومفيش فلوس والدنيا على القد جدا، لكن بعد فترة اكتشفت المفاجأة ني عايشة مع حرامي».

كريمة تطلب الخلع من زوجها: مش هعيش مع حرامي

واختتمت كريمة «في يوم كنت قاعدة في البيت وساعتها سمعت صوت خناقة في الشارع ولما بصيت لقيت جوزي ممسوك من اتنين رجالة وبيضربوه وفيهم واحد بيقوله أنا عرفتك خلاص وركبت كاميرات عشانك مخصوص وشوفتك وأنت بتسرق الشيكولاته والحاجات الحلوة من المحل، وساعتها دخلت الشقة وفلضت ساكتة ولما طلع قولت له إيه اللي كان بيحصل تحت ده وسبت البيت ومشيت، وهو مسألش فيا بس بعدها رجع كلم أهلي وقالهم كله عشان خاطرها، وقولت له أنا مش عايزة أكمل قالي مفيش الكلام ده روحت محكمة الأسرة ورفعت عليه قضية خلع».