عمرو يوسف: فيلم ولاد رزق 3 بيأكد أننا عندنا مخرجين عظماء بس محتاجين فرصة

تحدث الفنان عمرو يوسف عن تحضيرات فيلم ولاد رزق 3 والذي تم عرضه في مصر منذ أيام قليلة محققا ملايين الجنيهات في دور العرض السينمائية المصرية، ويشهد العرض الخاص له الليلة في المملكة العربية السعودية.

عمرو يوسف: لولا تسهيلات ودعم هيئة الترفيه مكناش هنقدر نعمل حاجة 

وقال عمرو يوسف في تصريحات رصدها موقع تحيا مصر منذ قليل: أول أيام التصوير كنا بنصور في الماتش الحقيقي بتاع تايسون فيوري بطل العالم في الملاكمة، وكان في متخصصين من برا بيصوروا الماتش ده، وكان المفروض نحط الكاميرات بتاعتنا والإضاءة في وقت الحقيقي اللي بيتلعب فيه الماتش وده كان صعب ومفيش مكان للكاميرات بتاعتنا، وكان لازم نبقى جاهزين طول الوقت، والتسهيلات دي لولا دعم هيئة الترفيه مكناش هنقدر نعملها.

وأضاف عمرو يوسف: سلسلة أفلام ولاد رزق حققت نجاحًا كبيرًا جدًَا من الجزء الأول والناس مرتبطين بالفيلم وأبطاله وبيحبوهم، وكنا متوقعين نجاح كبير للفيلم ومتحمسن له وكانت مفاجأة كبيرة من عند ربنا سبحانه وتعالى إنه وفقنا وقدرنا نحقق رقم تاريخي وخيالي، إحنا سعداء بالموضوع ده وتعبنا جدا في الفيلم وطالع بشكل كويس، والناس اللي اتفرجت عليه في مصر دخلته أكتر من مرة واللي كان بيقدر يحصل على تذكرة تانية لأنه صعب جدًا كان بيدخل الفيلم تاني وسعيد بالنجاح وسعيد إننا صورنا هنا.

عمرو يوسف: فيلم ولاد رزق 3 دليل على أنه عندما مخرجين عظماء 

واختتم عمرو يوسف حديثه: تجربة التمثيل أكثر من رائعة وعملوا تسهيلات طلعت التصوير أكثر من رائع وبشكر طارق العريان على شغله الرائع هو مخرج كبير ومهم عامل حاجة بتدل على أنهم مخرجين عظماء لو احنا ادناهم فرصة.

ويقام الآن العرض الخاص لفيلم ولاد رزق 3 بحضور عدد كبير من نجوم الفن في المملكة العربية السعودية من بينهم الابطال وعدد من نجوم مصر على رأسهم الهضبة عمرو دياب ونيللي كريم ورزان مغربي ونجوم آخرين.

تزامنا مع عرض الموسم الثالث.. أحمد الفيشاوي يحتفل بتصدر فيلم ولاد رزق 1 و2 الأكثر مشاهدة

فريق عمل فيلم ولاد رزق 3 يطير إلى السعودية لإقامة العرض الخاص| صورة

فيلم ولاد رزق 3 

ويعد فيلم ولاد رزق 3 من بطولة النجوم أحمد عز، وعمرو يوسف، آسر ياسين، كريم قاسم، أسماء جلال، سيد رجب، محمد ممدوح، نسرين أمين، وغيرهم، والفيلم من تأليف صلاح الجيهيني، وإخراج طارق العريان.