مش عارفة أعيش.. علياء تطلب الخلع: فضحني وسط الجيران
ADVERTISEMENT
علياء سيدة ثلاثينية تقدمت إلى محكمة الأسرة بدعوى خلع للتخلص من زوجها بسبب أفعاله مع الجيران، وكثرة المشكلات معهم بصورة يوميا مما جعلها في موقف محرج أمام جيرانها، وحاولت بكل الطرق أن تغير من أفعاله إلا أنه رفض ذلك فقررت اللجوء إلى محكمة الأسرة في النهاية.
علياء تطلب الخلع من زوجها
وقالت علياء لـ موقع تحيا مصر، أنها تزوجت قبل 3 سنوات فقط وليس لديها أطفال من زوجها، وأنه خلال فترة الزواج عانت مع زوجها بسبب خلافاته مع الجيران بدون أسباب، مما جعلها في موقف محرج أمام جيرانها، وفي النهاية لجأت إلى محكمة الأسرة طالبة الخلع منه.
وسردت علياء قصتها قائلة «وأنا عندي 28 سنة اتقدم لي جوزي وكان شخصية محترمة وهادي جدا وأهلي وافقوا عليه واتخطبت له فعلا فترة سنة، وبعدها عملنا فرح كبير وكانت شخصية جوزي عادية بس ممكن عصبي شوية بس مكنتش اتخيل أنه يكون بالشكل اللي شوفته بعد الجواز».
علياء تطلب الخلع: فضحني وسط الجيران
وأضافت علياء قائلة «بعد الجواز الدنيا اتغيرت تماما وجوزي اتحول وبقى واحد تاني وبقت المعاملة بيني وبينه وحشة جدا لدرجة أنه كان بيحطني في مواقف وحشة جدا مع الجيران ومبقتش عارفة أخرج من البيت».
وتابعت علياء «كان بيتخانق مع الجيران على الفاضي والمليان، ويقول كلام على الناس مش كويس، لدرجة أنه كان بيخترع حوارات على الجيران عشان يطلعهم غلطانين وطبعا ده كان بيحطني في مواقف وحشة جدا مع جيراني».
علياء تطلب الخلع من زوجها: جارتي جت وفضحتني
واستكملت علياء قائلة «وفي يوم اتخانق مع جارتي اللي عايشة لوحدها، ونزل قال للناس كلها دي بتجيب رجالة في بيتها وأنا بشوفهم وفضحها في المنطقة بالكدب، وطبعا هي جات لي وقالت لي مينفعش اللي جوزك عمله ده وده أخر تحذير وفضحتني، وأنا ماليش ذنب».
واختتمت علياء قصتها عن زوجها قائلة «بعد 3 سنين جواز وفي مرة لقيت جارتي دخلت عليا الشقة وزقتني وقالتي والله لو جوزك مبعدش عني هرميكي في الشارع من غير هدوم وهجيب ناس تربطك في الشارع تحت قدام المنطقة كلها ولما كلمته عشان نمشي من المنطقة وأنه يتغير مرديش قولت له أنا عايزة اطلق ولما رفض روحت محكمة الأسرة رفعت قضية خلع».
جوجل نيوز
تطبيق نبض
