أحمد عز: لزمات شخصية رضا بتيجي في اللوكيشن.. وعندي عقدة غيرة الخواجة

تحدث الفنان أحمد عز عن تفاصيل مشاركته في فيلم ولاد رزق 3، خلال المؤتمر الصحفي الخاص به الذي أقيم اليوم بمركز المنارة بالتجمع الخامس.

تصريحات أحمد عز عن فيلم ولاد رزق 3

ومن أبرز تصريحات أحمد عز في المؤتمر الصحفي ورصدها موقع تحيا مصر:

• الشغل الكتير بيعلم وكل سنة بتعلم وفرحتي بالعمل بتاخد 3 أو 4 أيام وخلاص
• عندي عقدة غيرة الخواجة ومش أحسن مني ومبقبلهاش وإحنا نقدر وأتربينا على أن الفيلم المصري فيلم عربي ونسعى لده دايمًا
• أنا زملكاوي بس عايزين نموت التعصب الكروي
• مبحبش اسمع كلمة أحسن ممثل والعمل الفني عمل جماعي أنا لا يمكن أنجح إلا في وسط جماعة
• بقلق لما بعمل إعلان أو تصوير مسلسل وعندي طمع لـ النجاح والقلق
• اتطمنت لولاد رزق بسبب طارق العريان، والقلق سمة أي شخص عايز ينجح
• المنافسة بقت صعبة دلوقتي في السينما لأن الجمهور بقى متابع بشكل جيد
• أتمنى أن يكون الجزء الجديد من ولاد رزق عند حسن ظن الجمهور
• بحب شخصية رضا ومفرداته بتيجي في اللوكيشن واللزمات بتنط في دماغي
• هي شخصية عبارة عن بير مبيخلصش ومفرداتها جاهزة وبتيجي لوحدها معايا

تفاصيل فيلم ولاد رزق 3

ومن الجدير بالذكر أن فيلم ولاد رزق 3 من بطولة عدد كبير من النجوم والنجمات منهم أحمد عز، عمرو يوسف، آسر ياسين، كريم قاسم، أسماء جلال، سيد رجب، محمد ممدوح، نسرين أمين، وغيرهم، والفيلم من تأليف صلاح الجيهيني، وإخراج طارق العريان، ويستكمل الجزء الثالث من العمل قصة ولاد رزق مع العمل الإجرامي في عملية سطو جديدة مع أعداء جدد نراهم لأول مرة في هذا الموسم.

قبل طرحه.. لقطات من فيلم ولاد رزق 3 بطولة أحمد عز

بعد 7 أشهر.. أحمد عز يعلن انتهاء تصوير فيلم ولاد رزق 3

رأي أحمد عز في الغرور

وسبق وأن كشف الفنان أحمد عز، عن على اتهامه بالغرور، وسبب حب البنات له، وقال أحمد عز خلال لقاءه مع الإعلامي عمرو أديب في بودكاست Big Time :"أنا زمان كنت بتشال وأتحط بس لما شوية فهمت ورسيت عرفت ان النجاح وحب الناس ونجاح الأفلام وان ربنا يسهلك في ده انت ملكش فيه حتى لو كنت أعظم ممثل ولكن القصة في إرادة ربنا علشان كده مفيش عندي غرور ومبقتش مغرور".