سامي مغاوري: كله بقى يتكرم من المهرجانات إياها وأبناء النجوم مبيتظلموش
![سامي مغاوري]( /UploadCache/libfiles/24/5/600x338o/349.jpg)
ADVERTISEMENT
حل الفنان سامي مغاوري ضيف على برنامج كلام الناس والذي تقدمه الإعلامية ياسمين عز على قناة mbc مصر وتحدث خلاله عن العديد من الاشياء من بينهم دوره في مسلسل البيت بيتي والذي حقق شهرة كبيرة بسبب جملة "سلم يارب يارب سلم".
سامي مغاوري: قعدت افكر في اني أقبل دوري في البيت بيتي
قال سامي مغاوري في تصريحات رصدها موقع تحيا مصر عن تفاصيل مشاركته في مسلسل البيت بيتي: أما اتعرض عليا الدور قعدت افكر اقبله هو كان ضيف شرف بس عرفت أن المسلسل مبني على كدة، غير أنه العمل رعب وقدام اتنين كريم محمود عبد العزيز ومصطفى خاطر فكنت حاسس اني هعمل اي قدامهم ولكن بعد كدة قبلت ولقيت الجملة بتاعة سلم يارب يارب سلم علمت في اللوكيشن فخدتها لازمة بقى في المسلسل.
![](/Upload/libfiles/24/4/987.jpg)
وأوضح سامي مغاوري أوجه الشبه بين كريم محمود عبد ووالده محمود عبد العزيز، قائلا: محمود عبد العزيز قامة كبيرة جدا واشتركت معاه في مسلسل بشاير وكنا شبه عايشين مع بعض وكريم فيه من روحه لكنه هو مختلف تماما في تمثيله وكوميديته وكل حاجة ومحدش يقول إنه بيقلده لانه ليه لون مختلف تماما عنه.
سامي مغاوري: مبحبش أنزل تكريم ليا عشان محدش يفتكرني من المهرجانات إياها
وتحدث سامي مغاوري عن تكريمه في عدد من المهرجانات من بينهم مهرجان الدراما، حيث قال: مبتكلمش عن تكريمي في اي مكان عشان دلوقتي بقى كله بيتكرم وبخاف يتقال ده بيتكرم من المهرجانات إياها.
![](/Upload/libfiles/41/5/566.jpg)
وقال سامي مغاوري عن مقارنة نجوم الوقت الحالي بنجوم زمان: زمان الممثل كان بيبقى عنده عمل واحد وبالليل بينزل مسرح لكن دلوقتي بيبقى عندهم عمل الصبح وبعد الضهر وفي كل وقت.
سامي مغاوري يكشف سبب عدم التوسط لابنه في أي عمل فني
وتطرق سامي مغاوري بحديثه عن عدم توسطه لابنه في الأعمال الفنية، قائلا: أبناء النجوم مش بيتظلموا إنما أبناء الفنان اللي بيتقال عليهم فنان قدير ده بيتظلم لأنه بيشوفوه حاجة كبيرة عنده قيم ومبادئ فيتحرج يرشح ابنه لعمل فني أما النجم عادي بيقول، وأنا مبحبش حد يبقى ليه جميلة عليا.. هو اتخرج من معهد تمثيل فليه ميحطش رجله على السلم بنفسه.