تهاني تطلب الخلع: بيصحيني ٦ الصبح أعمله فطار وطلباته كتير

تهاني سيدة ثلاثينية تزوجت قبل عام واحد فقط، إلا أنها لجأت إلى محكمة الأسرة في أكتوبر طالبة الخلع من زوجها، بسبب الاستيقاظ مبكرا وطلبه منها إعداد وجبة الفطار في السادسة صباحا كل يوم، وهو ما لم تتحمله وطلبت الانفصال الا أنه رفض فقامت برفع قضية خلع عليه.

عاجل| لا شبهة جنائية.. تفاصيل جديدة عن المواطن السعودي هتان شطا

عاجل.. تفاصيل الحالة الصحية للفنان أحمد جلال عبد القوي| تحيا مصر يكشف

تهاني تطلب الخلع من زوجها بسبب الصحيان بدري

سردت تهاني قصتها لموقع تحيا مصر حيث قالت أنها بالغة من العمر ٣٢ عام وتزوجت زواج صالونات قبل عام واحد بعد فترة خطوبة ٦ أشهر، حيث احضرت لها خالتها العريس - ابن صديق زوج خالتها - بعد أن شاهدها في أحدى المناسبات العائلية وتعرفت عليه وتقدم لخطبتها بعد جلسة واحدة بينهما في منزل خالتها ووافقت أسرتها على ذلك، وتمت خطبتها على العريس لمدة ٦ أشهر قامت خلالهم بتجهيز شقتها ثم تزوجت من الشاب في حفل زفاف حضرته الأسرتين والأصدقاء، وبدأت المعاناة بعد ٣ أشهر من الزواج.

تهاني: زهقت من طلبات جوزي كل شوية أكل وشرب

قالت تهاني عن قصتها مع زوجها، بعد الجواز كانت الـ ٣ شهور الأولى أحلى أيام في الجواز ويمكن في حياتي كلها، كانت أيام دلع وحب والدنيا كانت لطيفة جدا وبعدها حياتي اتحولت كل دقيقة طلبات منه سواء أكل أو شرب أو غسيل كل شوية عايز مني حاجة، حتى وأنا تعبانة مش بيبطل طلبات ولما كنت بتكلم معاه كان يقولي أنتي مراتي وواجب عليكي بس أنا تعبت من عدم الاهتمام بتعبي وقلة راحتي، وبعدها بقى يصحيني ٦ الصبح قبل ما يروح الشغل عشان أعمله فطار، وأنا كنت بقوله مش بقدر أنا نايمة متأخر بسبب شغل البيت لكن هو مكنش بيهتم بحاجة زي دي.

تهاني طالبة الخلع: عروسة في أول سنة وكل حياتي طلبات وتوضيب

أضافت تهاني قائلة، كل شوية كانت طلبات وسبت له البيت وروحت عند أهلي أسبوع وجه صالحني وقالي كل حاجة هتتعدل وأنا هغير من نفسي وهاخد بالي منك ولما رجعت كان زي ما هو كل شوية طلبات وموضوع أنه يصحيني الصبح ده كان بيتكرر، بدأت أجهز الفطار والساندوتشات من بالليل واسيبهم في المايكروويف عشان لما يصحى يسخنهم وياكل بس بردو كان بيصحيني ويقولي دوسي على الزرار ونامي تاني مبقتش فاهمة هو بيكدرني ولا عايز أيه وبقيت زهقانة من حياتي اللي مفيهاش غير مطبخ وغسيل وتوضيب في الشقة، عروسة في أول سنة كل حياتي طلبات ده غير أنه مش بياكل أي حاجة وعايز أكل حرش زي المحاشي والطبيخ يعني لو عملت مكرونة وبانيه يقولي ده مش أكل.

واختتمت تهاني قصتها قائلة في نهاية السنة طلبت الطلاق والانفصال في هدوء لكن هو مكنش موافق على حاجة زي دي وروحت بيت أهلي وكلم والدي قاله معنديش طلاق مش هطلق حد وخليها عندك ولو عايزة ترجع بيتها البيت مفتوح في أي وقت تقدر ترجع براحتها وبعدها مكلمنيش ولا عبرني روحت محكمة الأسرة ورفعت عليه قضية خلع.