مي عمر: حماتي هي أمي التانية ومش بخاف من الحسد

خرجت الفنانة مي عمر للحديث عن علاقتها بحماتها وذلك أثناء حلول النائبة صبورة السيد ضيفة في برنامج "آخر اليوم" والذي تقدمه الاعلامية سارة نخلة على شاشة قناة هي، وروت الكثير من كواليس حياتها المهنية المليئة بالإنجازات والتحديات.

مي عمر: حماتي هي أمي التانية 

وقالت مي عمر في تصريحات رصدها موقع تحيا مصر عن على علاقتها بحماتها خلال مداخلة هاتفية قائلة: "علاقتي بحماتي انها امي التانية وملهاش علاقة بمحمد لاني باخد رأيها في حاجات كتير وهي بتهتم جدا بأعمالي وبتتفرج قبل الناس هي بتعرف تحتوينا كلنا ولما بيبقى في مشكلة بروحلها هي بتقف معايا أنا".

وأضافت: "في صفات مشتركة بيني وبينها زي انك تكوني كتومة متحكيش كل حاجه لأي حد لما بيبقى في مشاكل بحكي للناس القريبة مني اوي الناس اللي بتحبني بجد وبتخاف على مصلحتي بجد مش الناس اللي ليها مصالح أخرى، وانك تفكري كويس اوي قبل ماتاخدي قرارات".

مي عمر: مبخافش من الحسد 

أما عن تعليقات الجمهور على علاقتها بالمخرج محمد سامي قالت: "مبخافش من الحسد ومبركزش خالص مع الحاجات دي، وبشوف ناس كتير مبسوطة وبتقول كلام كويس وايجابي وبيسألوا طب ازاي دا وبيشوفونا بصورة حلوة وعايزين يعملوها".

والدة محمد سامي عن مي عمر: بنتي ومرات الغالي 

كما كشفت النائبة صبورة السيد عن أهم صفات الفنانة مي عمر كزوجة وأم قائلة: "هي بنتي ومرات الغالي وأم الغاليين هي عندها مؤهلات كتير اوي انها تبقى أم أحلى احفاد وأحلى حفيدات هي غالية وحنونة ومأدبة وتستاهل اللي هي فيه واكتر".

مي عمر ومحمد سامي يحتفلان بعيد ميلاد إبنتهم سيلين.. ظهور جديد

وأضافت: "بقول الله خير حافظا وبنقرأ قرآن بس ليه الناس مبتحبش تشوف اتنين بيحبوا بعض، واحنا ارتبطنا بفنانين زمان السيدة فاتن حمامة و شادية ومريم فخر الدين وكنا بنحب نشوف الرومانسيات والحب بتاعهم لكن دلوقتي بنستغرب ان احنا نشوف زوجين حلوين ودول نموذج وياريت كل راجل يبقى بيهتم بمراته وهي تهتم بجوزها ويبقوا قدوة كويسة لعمار البيوت".

يذكر، أن مي عمر كانت قد تألقت في رمضان 2024 من خلال مسلسل نعمة الافوكاتو والذي تولى إخراجه زوجها المخرج محمد سامي وعرضت أحداثه ف 17 حلقة في النصف الأول من شهر رمضان 2024.