إبراهيم سعيد لـ شيكابالا: "أنت بتهبد" ولما تكسب دوري أبطال أفريقيا أتكلم معايا| فيديو
ADVERTISEMENT
قال الإعلامي إبراهيم سعيد نجم الأهلي السابق، بأنه كان يعلم بحقيقة ما دار بين إمام عاشور لاعب الأهلي ومحمود عبد الرازق شيكابالا لاعب الزمالك في نهائي كأس مصر، ويستعرض موقع تحيا مصر التفاصيل.
تصريحات الإعلامي إبراهيم سعيد
وكان محمود كهربا قد ظهر مع الإعلامي سيف زاهر، وكشف عن ما دار بين إمام عاشور وشيكابالا في نهائي كأس مصر بناء على طلب الأول.
وأضاف إبراهيم سعيد في تصريحات تليفزيونية على قناة النهار في برنامجه +90، اللي يعرف يوصل لإبراهيم سعيد أهلا وسهلا بيك، وشيكابالا كان بيهبد وهو عارف كدا كويس وأنا عارفه وفاهمة، وكلام كهربا عن كواليس ما دار بين شيكابالا وإمام عاشور يدل على المصداقية.
وأكمل إبراهيم سعيد، شيكابالا كان بيتكلم بصعبانيات وإحنا لاعيبه كورة وفاهمين اللي بيحصل وبحب كهربا لأنه صريح وصاحب صاحبة، وإمام عاشور رفض يرد على شيكابالا لأنه راجل كبير.
إبراهيم سعيد لاعب الأهلي السابق
وواصل إبراهيم سعيد، شيكابالا زعل لما إمام عاشور قاله أنا في مكان تاني ومن حق شيكابالا يزعل طبعا، لأن إمام عاشور موجود في أفضل نادي في افريقيا والوطن العربي ومن أفضل أندية العالم وبيتم مقارنته مثل ريال مدريد.
وأردف إبراهيم سعيد، كنت سعيد برسالة محمود كهربا وتوضيح الحقائق، ومفيش حد يصدق كلام شيكابالا لأنه بيدور على العاطفة، وبيحب يعمل فيلم على جمهور الزمالك لاستمراره مع الفريق، وجو الصعبانيات مش في الكورة والزمالك نادي كبير، وعيب لما لاعب بيفكر في مصلحته.
واختتم إبراهيم سعيد تصريحاته، عيب في نادي كبير زي الزمالك لاعب ينسب بطولة ليه وينكر مجهود زملائه في الفريق، ومينفعش يطلع يتكلم ويتعلم الأصول، وأتعلمنا الأصول من حسام حسن وأحمد شوبير والعديد من النجوم، وكان لازم شيكابالا يتعلم من أخطائه، وهو مش جامد وفي الملعب مفيش انتاج والمستوى صفر، وأنا حصلت على 11 بطولة ومنهم دوري أبطال أفريقيا ولما يكون معاك دوري أبطال تعالى أتكلم معايا.
وكان محمود كهربا لاعب النادي الأهلي قد كشف ما دار بين إمام عاشور وشيكابالا في نهائي كأس مصر، وطلب الأخير منه العودة من جديد لنادي الزمالك.
جوجل نيوز
تطبيق نبض
