خاص| سليمان عيد: مبحبش اظهر في برامج رمضان لأنها بتبقى جارحة وبتخوض في أعراض الفنانين

كشف الفنان المصري سليمان عيد عن إمكانية ظهوره في برامج التوك شو التي تعرض في السباق الرمضاني كل عام وتتناول الحديث عن أسرار النجوم.

سليمان عيد: مبحبش برامج رمضان نهائي ومتمناش حد يقدمها 

وقال سليمان عيد في تصريحات خاصة لموقع تحيا مصر: مبحبش برامج رمضان نهائي ومتمناش حد يقدمها لأنها بتكون جارحة للناس وبتخوض في أعراض الفنانين  وأسرارهم ودا عيب.

آخر أعمال سليمان عيد 

وكانت آخر أعمال سليمان عيد، مسلسل البيت بيتي، من بطولة كريم محمود عبد العزيز ومصطفى خاطر، كلا من محمد محمود عبد العزيز، وميرنا جميل، ومحمود حافظ، وسليمان عيد، وسامي مغاوري، وأوتاكا، وياسر علي ماهر، وعلا رامي، وعابد عنان، وأحمد عبد الوهاب، ومي القاضي، صبري عبد المنعم، وجلال الزكي، وعبد الرحيم حسن، وياسر الطوبجي، وهو من تأليف أحمد عبد الوهاب وكريم سامي وإخراج خالد مرعي.

خاص|سليمان عيد يكشف حقيقة إنتاج جزء ثالث من مسلسل البيت بيتي

خاص|سليمان عيد يشيد بأحمد عبد الوهاب مؤلف البيتي بيتي: كممثل شاطر وعارف ازاي يختار أدواره

سليمان عيد يتألق في مسلسل البيت بيتي 

وأشاد الجمهور بالعمل قائلًا: بداية كويسة عرفنا الشخصيات وصلت لإيه و دخلنا في الموضوع علي طول  كل الشخصيات زي ما هي بالظبط متحسش بإنفصال بين الجزء الاول و التاني نفس الروح  الحلقتين دول اكنهم الحلقة ال١١ و ١٢ من الجزء الاول.. المرة دي الأحداث هتدور في فندق مش قصر و في تويست كدة مختلف مش عايز احرقه بس مبسوط ان في فكرة جديدة و الا نبقي بنعيد الجزء الاول و يبقي الجزء التاني ملوش لازمة، بداية كويسة فيها فرشة حلوة و فتحت ابواب لسيناريوهات كتير و طرحت اسئلة كتير هتخليك عندك فضول تتفرج عشان تفهم اللي بيحصل .. يا رب الجزء التاني يبقي بنفس مستوي الجزء الأول او احسن كمان، المسلسل بيبدأ علطول في إنه يقدم قصته من غير ما يطول في مرحلة التقديم، وقادر يحافظ علي فكرة إنه يقدم الكوميديا والرعب في نفس الوقت، والاتنين يخلونا مستمتعين اكتر، ويمكن الفكرة نفسها كمان مثيرة لاهتمامنا وبتخلينا نحب نعرف ايه هيحصل بعد كده، وطبعا الاداءات التمثيلية ل"كريم محمود عبد العزيز" و"مصطفى خاطر" جميلة زي قبل كده، وفيه تناغم كبير بين الاتنين بيساعد علي أن الكوميديا تبقي دمها خفيف، وأننا نتفاعل معاهم لما بيكتشفوا اللي حصلهم.