بعتوا أخواتكم بكام.. الجمهور يفتح النار على الهضبة والسقا بعد مشاركتهم في إعلان بيبسي

هجوم واسع شنه الجمهور على عدد من المشاهير وأبرزهم الهضبة عمرو دياب والنجم أحمد السقا والفنان كريم محمود عبد العزيز والمطربة نوال الزغبي واللاعب العالمي محمد صلاح، وذلك بعد مشاركتهم في إعلان بيبسي الجديد.

انتقادات للهضبة والسقا بعد إعلان بيبسي 

وجاءت تعليقات الجمهور التي يرصدها تحيا مصر كالآتي: خلصنا احتفال الماتش !! تعالوا بقا للجانب الاوحش اللي فينا ، ما بين الشوطين طلع اعلان بيبسي و اتفاجت ان الممثلين مين هما ( عمرو دياب - محمد صلاح - احمد سقا) يعني قدوه معظم شباب مصر كلها في الفن و الغناء و الرياضه مع انهم لايصلحو ولا ينفعوا قدوه لحد بس قصدي علي الجيل اللي بقا مديهم قيمه كبيره تخيل وصل بيهم الامر لفين عارفين انك ملهي في الماتش و مش هتاخد بالك من اي حاجه طيب و اخواتنا طيب المقاطعه كل دا فين ؟!! احنا بيعنا دم اخوتنا بالبارد و من مين من قدوه شباب مصر كلهم لا بارك الله لنا ف عملا ولا شياء ان لم نحارب الناس دول.

أحمد السقا وعمرو دياب في وجه المدفع

وتابع آخر، هو اعلان بيبسي الجديد دة بجد يعني عمرو دياب طالع يقول خليك عطشان هو مين مع مين، احمدالسقا كنا زعلانين على مسلسلين تلاتة كان فيهم عدم توفيق اختيار وافلاس فني لكن وصلنا لمرحلة الإفلاس الاخلاقى، كريم محمود عبدالعزيز كنت قريب من الناس بشخصك والناس حاباك كاى شاب دمه خفيف جوة كل عيلة ومتربي  لكن فجأة الفلوس تخل  الابن يفهم العيلة كلها انه ممكن ينكت على اي حاجة ويعمل اى حاجة ويبيعهم عادى، عمرو دياب  البوب الكبير اللى بيقولوا خليك عطشان أجيال اتربت على اغانيك واحاسيسك واستمراريتك لكن فجأة حسستنا بالقرفه من كل حاجة وكل ذكرى خليكم مع بيبسى وزودوا مبيعات بيبسي اللى بفلوسها بيتجاب قنابل لاطفال غزة مع كل جنيه زيادة تفتكروا ان طفل اتقتل بنفس الجنيه. 

بمشاركة محمد صلاح والهضبة والسقا.. طرح إعلان بيبسي الجديد

بحضور الهضبة والعميد.. حفل عشاء لنجوم الكرة المصرية من تركي آل الشيخ قبل نهائي الكأس

إعلان بيبسي الجديد يثير غضب الجمهور

وأضاف آخير، إعلان بيبسي الجديد بعنوان لا مبدأ في وجود المصلحة العالم بقا عبارة عن أكذوبة منبوذ فيها الصادق واللي بيحاول يحافظ علي شوية الإنسانية الباقية جواه، مشاعرك لو دفعتك وعملت موقف بطولي وواجب إنساني يظهرلك معارض ويحاول يغلط فيك ويبرر الموقف وأصبح يا عزيزي للخطأ مبرر وحجه وغاية وعذر الناس دي مدركة كل تفصيله بتحصل دلواتي من قبل ما تحصل عارفين إن الموضوع شوية ويموت وعارفين ان صوت السكوت هو الغالب حاول تحافظ علي الإنسانية جواك حاول ولو هتكون وحدك.