الأهلي يُخرج أحمد السعدني من عباءة حزنه بعد وفاة والده

كان فوز الأهلي في نهائي دوري أبطال أفريقيا خلال الساعات الماضية، السبب في خروج الفنان أحمد السعدني من عباءة حزنه على والده الفنان الراحل صلاح السعدني.

تعليق أحمد السعدني على فوز الأهلي أمام الترجي 

ففي أول تعليق للفنان أحمد السعدني بعد وفاة والده، غرد عبر موقع التدوينات X، ليهنيء النادي الأهلي بفوزه على نادي الترجي التونسي، وتتويجه بلقبه الـ 12، وكتب أحمد السعدني في تدوينة يرصدها تحيا مصر: الف مبروك للنادي الاهلي و جماهيره العظيمة التتويج باللقب ال ١٢ سيد اسياد افريقيا يحطم كل الارقام القياسيه ال ١٣ يا اهلي.

سبب ابتعاد والد أحمد السعدني عن الأضواء قبل وفاته

من جانبه، كان أوضح أحمد السعدني سبب ابتعاد والده عن الأضواء طوال الفترة الماضية، فقال في تصريحات يرصدها تحيا مصر: والدي متابع لكل حاجة، وهو دلوقتي مايل للهدوء والسلامة، وهو من 5 أو 6 سنين، خد قرار نهائي للعيشة في هدوء، وأنا نفسي بفكر في الموضوع ده من دلوقتي.. وبتمنى الناس ترحمنا عشان اللي بيكتب كلمتين على السوشيال ميديا ده بيفرقوا في نفسية الإنسان عمومًا مش الفنان بس.. والرحمة حلوة يا جماعة.

أحمد السعدني يتحدث عن وفاة طليقته 

وعن وفاة طليقته، كتب أحمد السعدني عبر حسابه الرسمي بموقع التواصل الإجتماعي فيسبوك: “٣ سنين بحاول مفتكرش اليوم ده ولا أجيب سيرته لإن باختصار هو أسوأ يوم في عمري بس لو حد حيدعيلك دعوة حلوة بسببي يبقى كتر خيره الله يرحمك يا أنضف وأطيب قلب”.

رغم حالته النفسية بعد رحيل والده.. أحمد السعدني برفقة محمد محمود عبدالعزيز في جنازة عصام الشماع

أحمد السعدني وداليا مصطفى أول الحاضرين في عزاء المخرج عصام الشماع

وكانت أبرز تصريحات أحمد السعدني خلال برنامج حبر سري كالآتي:

عادل إمام لا يتهاون في حقه ولو الدور مكنش مناسب معايا كان رفض

- ندمت على دور الطلبية وكنت عايز أشتغل مع أبويا اكتر من كدة

-كله بالحب تجربة سيئة جدا.. واتعلمت منها اني متعاملش بحسن نية في أعمالي

- في حاجات أنا عملتها غلط بسبب مراهقتي.. وبالنسبالي الأدوار مش بالكترة

- أنا مراهق أكتر من ولادي.. ومراهقتي ضيعت مني حاجات كتير

- أبويا أخد قرار إنه اكتفى، والسلام النفسي أحسن بكتير من الفلوس.

- منى زكي نجمة مصر الأولى.. وياسمين عبد العزيز الأنجح تجاريا في السينما وأحمد فلوكس ظالم نفسه

- حصل مشكلة بيني وبين ميدو ولحد دلوقتي مش بنتكلم.

- احنا مجتمع شرقي مبيفهمش الصداقة بين الراجل والانثى

- اتضربت في الاستاد قبل كدة ووكنت مبروحش اللإمتحانات عشان الماتش

- معنديش مشكلة أشتغل مع محمد رمضان

-  لو أبويا مكنش صلاح السعدني مكنتش اشتغلت ممثل

وتألق أحمد السعدني في مسلسل سيب وأنا اسيب وتدور قصة مسلسل «سيب وأنا اسيب» حول مصممة موضة وأزياء وناشطة على السوشال ميديا، تجد نفسها مضطرة للعودة على وجه السرعة إلى مسقط رأسها الإسكندرية مع الفنان الذي ارتبطت به، وتحاول تغطية الأكاذيب وذلك في إطار اجتماعي كوميدي.

ومسلسل «سيب وأنا أسيب» من بطولة هنا الزاهد وأحمد صلاح السعدني ومن تأليف رنا أبوالريش بمشاركة منة فوزي وإخراج وائل إحسان ويشارك في بطولته محمد جمعة، محمود البزاوي، عارفة عبدالرسول، أحمد سلطان، آية سماحة، ساندي، دنيا سامي، محمود السيسي، يارا جبران، كارلوس عازار، هنادي مهنا.