عزة مصطفى: بعد كلام الرئيس النهاردة محتاجين نعرف الحقيقة يا حكومة

أكدت الإعلامية عزة مصطفى، أن الرئيس عبد الفتاح السيسي حسم الموقف اليوم بشأن أزمة الكهرباء، وطلب من الوزراء الصراحة مع الشعب المصري.

عزة مصطفى: الرئيس حسم الموقف اليوم بشأن أزمة الكهرباء

وقالت الإعلامية عزة مصطفى، في برنامجها "صالة التحرير"، المذاع على فضائية "صدى البلد" مساء اليوم السبت، وينقله موقع تحيا مصر، :"أتمنى من النهاردة الحكومة المصرية تتسم بالوضوح والشفافية بشأن أي ملف فيه أزمة لأنه هيريحنا ويريحك يا حكومة".

وأضافت الإعلامية عزة مصطفى، :"أحيانا يكون الشعب المصري محتاج يعرف الحقيقة، لأنها لما يعرفها بيهدأ ويبطل كلام في الفاضي والمليان ويكون جزء من حل المشكلة".

عزة مصطفى: المواطن المصري لا يدفع نصف تكلفة الكهرباء

ونوهت الإعلامية عزة مصطفى، أن المواطن المصري لا يدفع نصف تكلفة الكهرباء التي يستخدمها، وهو ما أشار إليه الرئيس السيسي اليوم.

وقال الرئيس عبدالفتاح السيسى، إن الدولة فى النهاية "موازنة"، مضيفا: "أنت النهارده مش عاوز تيجى تمس حاجة الغلبان عاوز تساعد من غير ما تؤذيه، لو الرغيف النهارده بـ 3 أو 4 أو 5 جنيه، فيه ناس تقدر تشتريه، بس مش كل الناس تقدر تشترى كده، فلازم نكون متفهمين لأن الدولة فى النهاية موازنة وطاقتها المالية كده".

ووجه الرئيس السيسي، خلال افتتاحه عدداً من المشروعات القومية عبر تقنية الفيديو كونفرانس، من داخل مركز المنارة للمؤتمرات الدولية، المسؤولين بالتحدث للرأى العام عن التحديات التى تواجه الدولة قائلا: "اتكلموا وقولوا الحكاية إيه للناس، قولوا ليه الكهرباء ليه مبتتعملش، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح منى فين؟ أقطع الكهرباء ولا أغلّيها؟ وأغلّيها قد إيه؟ اللى بيدفع جنيه هيدفع 2 و3، لو مواطن بيدفع 100 جنيه فى الشهر هاخد منه 300 جنيه طيب بنعمل إيه، بشرحها من باب إيه؟.

 السيسي: الغلبان هيروح منى فين أقطع الكهرباء ولا أغلّيها وأغلّيها قد إيه

وواصل:أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلى تمن الكهرباء قد تمنها مرتين 3 بقول تانى ليه مبزودش كده؟ علشان مديونية وزارة الكهرباء للبترول قد كده.. طيب اللى باخده أقل من التمن، وبالتالى أنا مديون لوزارة البترول.. أنا عندى مشكلة إنى أجيب البترول بالتمن ده وباقى الشركات اللى شغالة معانا ليها فلوس عندنا، طيب ده مديون وده مدين وده مش وليد النهارده ممارسات ماشين فيها بقالنا سنين، عملنا خطة فى 2016 علشان نخلى الحاجة على قد تمن تكلفتها لكن لازم تحطوا فى الاعتبار تحديات أزمة كورونا والأزمة العالمية والحروب اللى حوالينا وتأثيراتها علينا، الأمور مش ماشية كده يعنى ومواردنا مش كتير تسمح نقابل التحديات دى من غير جهد وتحمل لا".