في عيد ميلاد محمد رمضان.. سر انفصاله عن زوجته الأولى

يحتفل الفنان المصري محمد رمضان اليوم الخميس الموافق 23 مايو بعيد ميلاده ال 35، حيث أنه من مواليد عام 1988 بمحافظة قنا قبل انتقال أسرته إلى محافظة الجيزة ويعد الأخ الأصغر بين أشقاء حيث أنه لديه شقيق يدعى محمود وشقيقة تدعى إيمان.

عيد ميلاد محمد رمضان 

وفي عيد ميلاد محمد رمضان، يرصد تحيا مصر سبب انفصاله عن زوجته الأولى، حيث قال محمد رمضان في أحد اللقاءات التليفزيونية: لما طلقت زوجتي مكنش معايا فلوس أصلا، ومكنتش مشهور ولا حاجة، بالعكس انا استلفت فلوس عشان ادفع ليها النفقة بالرغم من إنها كانت مبلغ صغير جدا، هي ست جميلة لكن للأسف مقدرناش نكمل ونفهم بعض كويس.

أسرار في حياة محمد رمضان الشخصية

وكشف محمد رمضان عن تفاصيل حياته الشخصية قائلًا: أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

وعن والده، أوضح: وأبويا رجل مثقف كان يقرأ الجرائد بشكل يومي، فكل ده شكل جزء كبير في شخصيتي، وحي القصبجي اللي اتولدت فيه كان 8 بيوت في المربع السكني وحوالينا زراعة، كانت منطقة ريفية بنسبة 70% وشعبية 30%.

كما روى محمد رمضان قصى ضربه قائلًا: كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل أن لو مشيت في نفس الطريق اللي قدامي هوصل للهرم.

وتابع، صحيت تاني يوم كأني رايح المدرسة ومعرفتش أوصل للهرم، والمشوار ده عمري ما هنساه والكلاب تجري ورايا وأقع في الطينة، وأمي راحت تسأل عليا في المدرسة مش لاقياني والمغرب أذن، رجعت البيت اتضربت علقة جامدة جدًا من أمي.

نشأة محمد رمضان 

وتأثر محمد رمضان بنشأته، فقال: الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

وأوضح محمد رمضان سر استايله قائلًا: قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه».

فنانين في صفحات الحوادث.. سرقة غادة عبدالرازق ومحاكمة انتصار.. براءة محمد رمضان ونسرين طافش وكلبش لـ عصام صاصا

وتابع: «أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري».