أنا وبناتي مش أمهات المؤمنين.. رد فدوى مواهب على مهاجميها بسبب صورتها مع تامر حسني

ردت البلوجر فدوى مواهب، على انتقادات صورتها هي وبناتها برفقة الفنان تامر حسني، حيث ظهروا بفساتين قصيرة وهو ما يتناقد مع حديثها بحرمانية جلوس الفتيات بشورت أمام والدتهن.

فدوى مواهب: أنا نفسي لسة مقصرة وبجاهد وبناتي نفس الشيء

وغردت فدوى مواهب، عبر حسابها الشخصي بموقع إكس بتويته يرصدها تحيا مصر، قائلة: مالها الصورة من 4 سنين، هو أنا قُلت إنه أنا وبناتي أمهات المؤمنين، ما أنا نفسي لسة مقصرة وبجاهد وبناتي نفس الشيء، الرسول قال بلغوا عني ولو بآية، وذكر فإن الذكرى تنفع المؤمنين.

فدوى مواهب: الشكر واجب عليا لكل من رد غيبتي ودافع حتى لو مش بيحبني

وكانت كتبت فدوى مواهب عبر خاصية استوري على حسابها الرسمي بموقع تبادل الصور والفيديوهات القصيرة إنستجرام: الشكر واجب عليا لكل من رد غيبتي ودافع حتى لو هي او هو مش بيحبني واوعوا تنسوا إني مجبتش الكلام ده من عندي.

فدوى مواهب: كلامي بأجماع العلماء والأرجح والأحوط

وأضافت فدوى مواهب: كلامي بأجماع العلماء والأرجح والأحوط، وعلى فكرة ده مكنش الدرس الرئيسي ده كان طلب من الأمهات اللي بناتها بتلبس كدة والعورة المغلظة بتبان امام أبوها وأخواتها الشباب وعدم سماع البنات لهن.

أول رد من فدوى مواهب على منتقدي تصريحها بحرمانية ظهور الفتيات بقصير أمام والدتهن

وهاجمها الجمهور قائلًا: ع فكرة زوجة تامر حسنى وام اولاده من الامهات اللى بيودوا اطفالهم لميس فدوى مواهب وهى نشرت ده بنفسها ،هل بسمة بوسيل بتلبس لبس دينى اصلا عشان تخلى بنتها متلبسشى بيجاما قدامها؟ هم دول نوعية الماميز اللى بيودوا عيالهم لفدوى اصلا ،طبقة ولا بتعمل حرف من اللى هى بتقوله ومش هيتفاجئوا بصور بناتها ولا حاجة لانهم كوميونيتى مع بعض وقطعا شافوا البنات وعارفينهم عشان كده بضحك لما حد يقولى بتعلم العيال التطرف 😁العيال اللى بيروحولها امهاتهم كلهم زى فدوى مع اولادها وزى بسمة بوسيل وزى تامر حسنى كلهم منافقين وواخدين كورسات ميس فدوى ك طقس تطهرى بينهم وبين نفسهم انهم عملوا اللى عليهم وادوا العيال دروس دين وكورآن وفقه ،انا اعرف ناس بتشرب وبلبس متحرر للغاية  وبيجيبوا شيخ  لاطفالهم ،حجم تناقضات الشخصية المصرية صارخ و  فوق ما العقل يتصوره ،هى الطبقة الوسطى دى الى. عاملة نفسها متفاجئة انما اللى فوق واللى تحت مليانين تناقضات