سعد الصغير يحيي حفل غنائي بأمريكا في هذا الموعد

يستعد الفنان سعد الصغير لإحياء حفل غنائي يوم 1 من شهر يونيو المقبل في أمريكا، حيث يقدم خلال الحفل باقة من أروع أغانيه التي يعشقها الجمهور.

سعد الصغير: أنا متجوزتش رقاصات

من جانبه، قال المطرب الشعبي سعد الصغير في تصريحات يرصدها تحيا مصر: أنا متجوزتش رقاصات والراقصة شمس متجوزتهاش واللى خلاني اطلع اقول اني اتجوزتها انها كانت بتعيط وأخواتها ضربوني لكن لا فيه ورقة ولا جواز ولا فيه شهود ولا محامي يثبتوا اني اتجوزتها.

سعد الصغير ينفي زواجه بالراقصة شمس

وتابع في لقائه ببرنامج العرافة المذاع علي قناة المحور: أنا لا اتجوزت شمس الراقصة في الحلال ولا في الحرام ولو عندها دليل علي اني اتجوزتها تطلعه، الفيديو اللي اتسرب لي وانا ببوس رجليها قدام الناس يدل علي اني وقعت مع ناس ميعرفوش ربنا، ازاي اتجوز واحدة مصوراني وانا ببوس رجلها.

سعد الصغير: اتأسف لوالدة مراتي برلنتي على موضوع الـ75 ألف جنيه

وأضاف، أنا اتأسف لوالدة مراتي برلنتي على موضوع الـ75 ألف جنيه، ونزلت فيديو بكده وانا اتبليت عليهم علشان مراتي مكنتش عايزة تتنازل عن المحضر والمحامي قال لي اعمل كده»، لتعلق برلنتي:« أيوة صح اللى أنت قلته واحنا خلاص رجعنا لبعض.

فيما قالت  الراقصة برلنتي عامر زوجة المطرب الشعبي سعد الصغير: مدمرلي حياتي ورجعت له علشان النصيب، هو حنين جدًا بس مشكلته في عصبيته وأي حد ممكن يتعصب وكلنا بنتعصب، والراقصة شمس حذرتني من سعد الصغير بس ممكن تكون غيرانة خاصة إنهم كانوا علي علاقة ببعض لفترة طويلة، انا اللي مسيطرة علي سعد الصغير  وأنا مليش علاقة بمواضيعه القديمة ولا الراقصة شمس وهو مبيعملش حاجة لما يجي يصالحني إلا بوكيه الورد.

عندي تسجيلات وهي بتشتم أبوها.. سعد الصغير يفتح النار على بوسي من جديد

اليوم.. نجمة ذا فويس بتول بني ضيفة سعد الصغير في سعد مولعها نار

وتابعت برلنتي عامر خلال لقائها مع برنامج قعدة ستات، الذي تقدمه الإعلامية مروة صبري على شاشة القاهرة اليوم: أكتشفت خيانة سعد، لأننا منزلين ابلكيشن عند بعض وبنشوف كل يوم بشوف بيروح فين، ولقيته في مكان في حدائق الأهرام، وعرفت أنه بيقابل واحدة  معرفة ولكن مش صاحبتي، وقابلتني من 3 سنين قالتلي هخطف منك سعد، ومزهقتش وفضلت وراه، ولما عرفت كلمتها اتصدمت في سعد نفسه ازاي يعمل كدا وهو من 3 سنين كان بيشتم عليها وعملها بلوك.

وتابعت، والناس مش طمعانة في سعد الصغير عشانه هو لا عشان برلنتي أنا، اللي خطفته مش حطاه في دماغها ولكن هي شايفة سعد معاه فلوس بس رغم أنه 53 سنة، ولكن هي طمعانة فيه حتى بعد عيد ميلادي اللي عملهولي، هي عايزة تتشهر وتطلع معاه في كليبات ومكنتش أعرف أن سعد يعمل كدا وينزل مستواه.

وأضافت، متطلقناش رسمي وأنا كتبت على فيس بوك انفصال ولكن هو مأعلنش، ومش راضي يطلقني، وعرفت حاجات صعبة بعد ما أعلنت انفصالنا، سعد الصغير اللي اتشهر بسببي واشتغل كتير بعد ما أتجوزني، ولكن اما اتجوزنا قالي رجعتي سعد الصغير لمجده تاني.