بعد ظهورها بفستان زفاف.. ياسمين عبد العزيز تثير الجدل حول عودتها لأحمد العوضي

أثارت النجمة المصرية ياسمين عبد العزيز جدلًا واسعًا حول عودتها لطليقها الفنان أحمد العوضي، حيث ظهرت بفستان زفاف أبيض.

ياسمين عبد العزيز بفستان زفاف أبيض 

ونشرت ياسمين عبد العزيز مقطع فيديو عبر حسابها الرسمي بموقع تبادل الصور والفيديوهات القصيرة إنستجرام، ظهرت فيه بفستان زفاف وهي تضع الميكاب وتفاعل معها الجمهور قائلًا: نجيب المأذون بقى.

ياسمين عبد العزيز ببرنامج صاحبة السعادة

من جانبه، قالت ياسمين عبد العزيز في تصريحات يرصدها تحيا مصر خلال لقاءها في برنامج صاحبة السعادة: كنت مركزة في راسى إنى عاوزة أبقى حاجة ويكون معايا فلوس وناجحة، ولما دخلت في شغل الإعلانات وأنا عندى 12 سنة، امى كانت بتيجى معايا التصوير، وأنا اللى كنت بأتفق على كل حاجة وعلى الفلوس، وأنا اللى بقول هعمل إعلان إيه بالظبط.

تصريحات ياسمين عبد العزيز 

وتابعت، بدأت الإعلانات وكان عندى 12 سنة، وكنت بحب أتفرج على الإعلانات وأتفرج على البنات وكنت أقعد أقلدهم وأعمل زيهم، ودايما في حاجة لما يكون نفسك في حاجة بتخيل نفسى في الحاجة اللى عوزاها.

وأضافت، "سبحان الله كان في صديقة لوالدتى اسمها دينا بتشتغل في شركة إعلانات، وكانت هي سبب بعد ربنا في بدايتى في الإعلانات، لأنها لما شافتنى عرضت عليا إنى أعمل إعلانات فقلت لها آه طبعا، امى كانت موافقة لكن والدى واخويا الكبير مكانوش موافقين.

وأوضح، كنت بروح المدرسة كله عارفني والعيال بيتلموا حواليا مبعرفش امشي فشغلي خد مني طفولتي وحريتي.

وأردفت ياسمين عبد العزيز، كنت بترفد كل أسبوع وأمي متعرفش بسبب شقاوتي كنت بروح بجينز بدل الجيبة وبقلع الجرافتة.

دلعلو يادلعلو.. ياسمين عبد العزيز وعبد الباسط حمودة في حملة إعلانية لفودافون

بعد الانفصال.. ياسمين عبد العزيز بفستان زفاف من إعلان فودافون الجديد

وقالت إسعاد يونس عن ياسمين عبد العزيز: بدأت وهي طفلة صغيرة والجمهور ابتدوا يتوقعوا منها توقعات لأدوارها ويستنوها لما تكبر ويتابعوها وكأنها بتتربى في حضنهم بكل مراحلها، شوفناها بتطور ازاي وبتشتغل ازاي وبتاخد خط مختلف عن اي خط تاخده بنوتة حلوه هي مش بس بنوته حلوه هي تركيبة شكلًا حلوة ومخًا حلوة وتعبيرات حلوة، عندها قبول اكنها بتقيس درجة حرارة القبول وبتظبط معاه لحد ما بقت نجمة سينمائية مختلفة واصبحت اسم الناس بتخشله رغم انها ست  ودي حاجة كنا بنعاني منها.. اتربت وسطنا وجت عملت خط تاني لوحدها وبدأت تعمل افلام ليها جماهيرية واضحة وليها نوع من الانحياز في مختلف الفئات لان ظهورها ارتبط بالذكاء، خليني اختصر كل دا واقول ان التحفة الفنية والغالية هي ضيفتنا ياسمين عبد العزيز.