حمو بيكا: محدش كبير على الحبس وكنت هنفصل أنا ومراتي لهذا السبب

فجر مؤدي المهرجانات حمو بيكا عدة تصريحات عن زوجته، والأزمة التي كانت ستتسبب في انفصالهما، بالإضافة إلى حبسه ورأيه في عمر كمال وحسن شاكوش.

حمو يكشف مفاجأة عن علاقته بزوجته

وقال حمو بيكا في تصريحات يرصدها تحيا مصر: حصل مشكلة بيني وبين مراتي في العربية لأنها سمعتني وأنا بقول في التليفون السهرة كانت حلوة، بس البنات دي مكنتش تبعي ولا كانوا في عربيتي كانوا تبع صحابي، وأنا مابحبش وجود البنات في حياتي، والحمد لله علاقتنا مافيهاش مشاكل كتيرة.

حمو بيكا: حسن شاكوش أقوى في الأداء من عمر كمال

وتابع حمو بيكا، حسن شاكوش أقوى في الأداء من عمر كمال، وعمر ليه تفاصيله الخاصة في الشغل أما حسن أنا اشتغلت معاه كتير جدًا.

وعن حبسه، قال: محدش كبير على الحبس سواء فنان أو غيره والمشكلة اللي اتاخدت فيها ماكنش ليا يد فيها خالص، بس اسمي أتذكر فيها وخرجت في نفس اليوم.

تصريحات حمو بيكا 

واستطرد، رامز بيحبني وبيحب يجيبني معاه كل سنه وأنا بحبه وبكون رايح عارف أني رايحله ولكنه بيخفي عليا المقلب.

واستكمل، هاني شاكر كان حاططني في دماغه ومكنش بيدينا أي اختيار، وكان عاوز يمنعني من الغنى وأنا عندي جمهور كبير، والحمد لله دلوقتي عندنا مصطفى كامل بيحمينا، وربنا يخليه لينا.

في سياق مختلف، رد حمو بيكا على انتقادات سبوع ابنته: ربنا يديني واعمل تاني والناس تتغاظ تاني، بس أنا مش بتعمد أضايق حد، وفيه ناس بتعمل أكتر من كده وبقول ربنا يديني وأعملها أكتر وأكتر وربنا بيديني، اللي يبص لعيشة الناس تحرم عليه عيشته.

ووجه رسالة لحسن شاكوش وعمر كمال، قائلًا: مش هيبقى فيه حد على الساحة لو مكنتش هتزلزل العالم بحق، أنا بقولهم إحنا لو اجتمعنا في أغنية، مصر مش هتسمع غيرنا تاني، إحنا عملنا أغاني كتير ناجحة ومنها شمس المجرة وصاحبي ده دراعي.

وأوضح، ممكن أرد عليهم، بس ردي بيبقى مش قصدي حاجة، وبيزعلوا مني ومبرضاش أرد غير في وقت معين وهما أخواتي وبحبهم.

وقال: كنت بعمل أغاني وبنام في الصحراء وكنت بشتغل نجار مسلح والأغاني بتاعتي شغالة وبردو وأنا سواق توكتوك ومسبتش التوكتوك وأنا ببيض محارة وبمشي في الشارع أسمع أغاني بتاعتي في الشارع.

واستكمل، بحلم أكون مرتاح ومستور بس ومش هكمل كل الغنا ده طول الـ 10 سنين جايين ومحتاج اعمل مصلحة عشان أفضل في الحتة اللي أنا فيها.

وأردف، وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.

حسن شاكوش يطرح أحدث أغانيه عم جيلو بالتعاون مع حمو بيكا

حمو بيكا لمنتقديه: بلاش تبقى عامل باقة ب 60 جنيه عشان تتنمر عليا انت أولى بيهم

واختتم، أنا أسعد واحد في الدنيا النهارده والحمدلله أن في حد جمعنا ووجهنا للمفروض نعمله، في ناس بتحبنا كتير وبتسمعنا كتير بس في ناس كانت محسسانا أن احنا بيئة وملناش وجود في الحياة، النهارده حسينا أن لينا وجود وفي ناس بتحبنا وحسينا أن سيادة النقيب أبونا فعلا مبسوط اني هشتغل لاني كان بقالي 5 سنين بعاني يوقفوني بمزاجهم ويشغلوني بمزاجهم.