إيرادات فيلم فاصل من اللحظات اللذيذة في دور العرض أمس

نجح فيلم فاصل من اللحظات اللذيذة، في احتلال المركز الثاني بقائمة الإيرادات في شباك تذاكر، حيث حقق أمس إيرادات 394 ألف جنيه، وبلغ إجمالي إيراداته 52 مليونا و600 ألف جنيه.

فيلم فاصل من اللحظات اللذيذة 

ويشارك في بطولة فيلم فاصل من اللحظات اللذيذة الذي يرصده تحيا مصر نخبة من النجوم وهم: هشام ماجد، هنا الزاهد، محمد ثروت، بيومى فؤاد، والطفل جان رامز وآخرين، والعمل من تأليف شريف نجيب وإخراج أحمد الجندى وإنتاج أحمد السبكى. 

وعلى الجانب الآخر، قال هشام ماجد: وقت لما كنا بنعمل رجال لا تعرف المستحيل كنا بنهزر ومكنتش أتوقع إننا نوصل لكل ده، لأن عمري ما كان حلمي إني أكون ممثل، بس مع الوقت بتكتشف جواك مواهب مكنتش عارف إن هي عندك، وابتدينا في الجامعة نعمل رجال لا تعرف المستحيل وانتشر جدا وكنا بنعمل أفلام قصيرة، ومن فيلم للتاني حبينا الشغلانة وبدأنا نشتغل على نفسنا، وإحنا أول ناس تعمل السينما المستقلة بكاميرا فيديو.

هشام ماجد: اتخرجت من هندسة وابتديت اشتغل مهندس ونسيت التمثيل شوية
 

وتابع: اتخرجت من هندسة وابتديت اشتغل مهندس ونسيت التمثيل شوية، لغاية ما جت فرصة في التانية وكنت بعمل الأفلام دي وأنا لسة في الهندسة، لغاية ما اكتشفت إن التمثيل هو الكارير بجد، والموضوع مش مجرد هزار، ده هيبقى أكل عيشي فعلا، فـ سبت هندسة وبدأت أركز في التأليف والتمثيل.

هشام ماجد: فيلم ورقة شفرة ده بعتبره ابني البكري

وأضاف: فيلم ورقة شفرة ده بعتبره ابني البكري، وفي العرض الخاص بتاعه، مكنتش مصدق إني شايف نفسي على شاشة كبيرة قدامي وبقول هي الناس دي بجد بتتفرج وبيضحكوا بجد ولا بينافقونا؟ وكان إحساس غريب لما الناس بدأت تسقف، فالفيلم ده كان أغلى فرحة عندنا في كل أفلامنا.

هشام ماجد: مُقل شوية في التأليف لـ غيري عشان خلاص بقيت عايز أعمل حاجات لنفسي

واستطرد: مُقل شوية في التأليف لـ غيري، عشان خلاص بقيت عايز أعمل حاجات لنفسي، فالتأليف لحد تاني بياخد وقت كتير ومجهود ذهني كتير، وبيبقى في تضارب مصالح، يعني ممكن أكون بكتب وألاقي إيفيه عجبني، أقول طب ما أنا اللي عايز أقول ده، فركزت مجهودي في التأليف لنفسي.

وأردف: أنا وأحمد فهمي كنا كاتبين  كنا كاتبين جزء من فيلم بوشكاش قبل ما نعرف إن محمد سعد اللي هيعمله، فلما عرفت إننا هنعملهوله، فرحت فرحة غير عادية، أنا بحبه وهو قعدته حلوة، ودخلتله فيلم بوحة 3 مرات.

واستكمل: بس ساعتها محمد سعد قالنا الفيلم ده مش هيتكتب كدة، إحنا نطلع إسكندرية، وفعلا طلعنا وفضل كل يوم يجيبلنا سمك وجمبري ونقعد ناكل ونكتب وخلصنا الفيلم.

في المركز الثالث.. فيلم فاصل من اللحظات اللذيذة يحقق 456 الف جنية

واختتم هشام ماجد حديثه قائلًا: بصور حاليًا فيلم اسمه فاصل من اللحظات اللذيذة، هو فيلم كوميدي من إخراج أحمد الجندي ومعايا هنا الزاهد وبيومي فؤاد ومحمد ثروت والطفل جان رامز، وأضاف هشام مازحًا: جان ده طفل في التلاتين من عمره.