محمد رمضان: أشباهي الناس بتتصور معاهم أكتر من النجوم

فجر الفنان المصري محمد رمضان، عدة تصريحات حول مشاركته في مهرجان موازين المقرر إقامته  بالمغرب، كما تحدث عن مقلديه من الجمهور.

محمد رمضان: هيكون في مفاجآت في مهرجان موازين

وقال محمد رمضان في تصريحات يرصدها تحيا مصر: هيكون في مفاجآت في مهرجان موازين، وده الحفل التاني ليا في المغرب، فسعيد بوجودي في موازين ومبسوط باختياري ويارب أكون عند ظن الجمهور.

محمد رمضان: ببقى مبسوط جدًا بمحبة الناس وتقليدهم ليا

وتابع: أنا ببقى مبسوط جدًا بمحبتهم وتقليدهم ده دليل الحب، إن هو بيحب محمد رمضان فشايف نفسه فيه، ولما بيتشهروا بكون مبسوط، وبنبسط لما يكون ليا أشخاص شبهي وبيقلدوني وأشباهي الناس بتتصور معاهم أكتر من النجوم.

تصريحات محمد رمضان 

من جانبه، قال محمد رمضان: قسم الملابس جزء مهم جدًا في صناعة السينما أو الدراما أو المسرح لا يستهان به، بتعامل مع حفلاتي مثل المسرح فهي عرض ترفيه، الاضاءة بيتم استخدامها بوعي، حسب كل أغنية، فأغنية مافيا لها انترو، والعربية بتطلع بشكل معين، والكشافات اللي بتنور فقط ثم النور الازرق بيفتح براحة، صوت الأوكرة موجود في كل السماعات، صوت خطوات رجلي، فحفلاتي عرض ترفيه.

وتابع: أنا مش بضع المايك تحت ذراعي وأقول السقفة معانا، أنا مبعملش ده، وهو ده اللي بيميز حفلاتي وبيخليني أغلى مغني في الوطن العربي، فالمغني المصري اللي أجره تحت أجري بياخد 50 في المئة من أجري.

وأضاف، فيه دليل أو شئ بقدمه يستحق ده، مش فكرة أن ده أجري مش عافية وخلاص، حفلتي بتطلب مجهود أخر، والجمهور بيخرج مستمتع وبيخرج عينيه مرتاحة وشاف شئ جميل وجديد مع الأغاني اللي حافظها، الفضل في ده يرجع لربنا وللممثل وخبرتي في المسرح والسينما.

واستطرد، الرحلة أنا مبسوط بيها جدًا بدأت من ضواحي الجيزة والمنطقة اللي أنا اتولدت فيها شكلت جزء كبير في شخصيتي وخيالي، وبيتي أبويا وأمي وإخواتي شكلوا شخصيتي ورؤيتي للمستقبل.

محمد رمضان يحيي حفلاً غنائياً ضمن ختام مهرجان موازين

محمد رمضان: أنا فترة إفريقيا مديها وقت سنة ونص كمان وهبدأ العالمية

وأردف، أخويا وأختي خريجين آداب فلسفة، فعايش مع اتنين فلاسفة، والفلسفة هي البحث عن الحقيقة، فالكتب متناثرة حولي، وكنت بحب القراءة جدًا، كنت بتخليني أغوص وأعيش فيها، أخويا كان بيجب كتاب الأيام لطه حسين، وإيمان أختي كانت عاشقة للقراءة.

واستكمل، كنت بشوف الأهرامات من البيت، قدامي هرم وعظمة وشيء غريب، ومرة قررت وأنا في تانية إعدادي ألمس الهرم أنا شايفه صغير وفي مخيلة طفل أن لو مشيت في نفس الطريق اللي قدامي هوصل للهرم.