شقى العمر كله راح.. تفاصيل مؤثرة في أقوال ربة منزل متضررة من حريق ستوديو الأهرام

حصل موقع تحيا مصر على نص أقوال سيدة متضررة من حريق ستوديو الأهرام الذي وقع في 16 مارس 2024، وأدى إلى احتراق الإستوديو بالكامل واحتراق عدد من العمارات المجاورة.

كأنها جهنم.. مدير عام إستوديو الأهرام في التحقيقات يكشف عن المتواجدين اثناء الحريق

بعد إحالة 4 مسؤولين للمحاكمة.. تحديد جلسة لنظر قضية حريق استوديو الأهرام

السيدة المتضررة من حريق استوديو الأهرام تروي التفاصيل

وقالت السيدة المتضررة من حريق ستوديو الأهرام، أنها فقدت كل ما تملك في الحريق من أثاث ومجوهرات وملابس وأجهزة وكل شئ قائلة:"أنا جاية عشان أبلغ إن شقتي اتحرقت في الحريقة بتاعت الاستديو، امبارح يوم ٢٠٢٤/٣/١٦ الساعة ٢:٠٠ ص في ستوديو الأهرام في شارع خاتم المرسلين العمرانية، اللى حصل اني كنت نايمة في الشقي انا واختي وكان اتنين من ولاد أختي نايمين وابنها الثالث كان سهران مع ابني في غرفة المعيشة ولقيناهم بيصحوا نحو الساعة ٢ بالليل وهما مرعوبين وبيقلولنا اصحوا بسرعة الاستديو بيولع وأول ما صحينا لقينا الدنيا لونها برتقالي من وراه الشيش من كتر النار.

وأضافت السيدة المتضررة من حريق ستوديو الأهرام، "صحينا ولاد اختي وأخذناهم كلهم ونزلنا جرينا علي تحت ولقينا النار عمالة بتزيد وتقرب مننا وفضلنا نجري لحد ما وصلنا لشارع، ورحت كلمت الإسعاف بسرعة قالولي إنهم جايين في الطريق هما والمطافي وروحنا ودينا الأولاد في مكان أمان وروحنا رجعنا علي البيت نحو الساعة ستة ونص الصبح لقينا بتوع المطافي لسه في البيت ولقينا البيت كله اتحرق وهو ده اللي حصل".

مواصفات الشقة شقة السيدة المتضررة

وشرحت السيدة، أن شقتها المتضررة والتي تعيش فيها منذ 24 سنة إيجار قديم تبلغ نحو 100 متر صافي مقسمة إلى ثلاثة غرف وسفرة وصالون وانتريه و۲ حمام ومطبخ، مشيرة إلى الاستديو عندكما اشتعلت النيران فيه امتدت في العمارة الخاصة بهم وكل الشقق احترقت في العمارة بالإضافة إلى أكثر من 6 عماير، مشيرة إلى أن ابنها ياسين أصيب بسبب شظية وصلت إلى ظهره.

 تلفيات شقة السيدة المتضررة من حريق إستوديو الأهرام

أكدت  السيدة المتضررة من حريق إستوديو الأهرام، أن كل محتويات الشقة احترقت بالكامل ثمنها حوالى ( 1500000) مليون ونصف جنيه مصري تقريبًا، وهي "عبارة عن ثلاثة تكييفات وديب فريزر و غسالة الهدوم وثلاجة وبوتجاز خمسة شعلة و۲ سخان و۲ تليفزيون و۲ تليفون لاسلكي وكمبيوتر و۲ مكنسة و۳ نجف نحاس واخد میه دهب وایباد و۲موبايل والسفرة خشب زان بالنيش او صالون مدهب و۲ وانتريه واحد برة وواحد في غرفة المعيشة و۲ كرسي فوتيه وجزامة بمراية وغرفة نوم خشب ارو وغرفة نوم أطفال كبيرة خشب ارو و۳ مراوح سقف ومروحة بوكس وسجاد كتير نحو ۱۲ سجادة وعلبة مصوغات ذهبية نحو خمس سلاسل و۱۲ دلايه خمسة خواتم واتنين اسورة محبس ودبلة وسبيكة ذهب وزن أربعة جرام، و15 الف جنيه مصري وخشب المطبيخ وأجهزة المطبخ اليدوية والصيني والحلل كله و۲ شفاط في الحمامات وشفاط كهرباء في المطبخ وملابسنا كلها واوراقنا الشنط كلها الباسبورات بتاعتي انا وولادي وبتاعت اختي ( فاطمة وأولادها وبطاقات الهوية بتاعت الامارات بتاعتهم والبطاقات الشخصية المصرية بتاعتي انا وولادي وشهادات الميلاد والوفاة وقسائم الجواز واوراقنا كلها وعقد الشقة وعقود الكهرباء والمياه والغاز والتليفون.