محامي الضحية: عصام صاصا كلمني وقال لي أنا مش فارق معايا اخد إعدام في القضية

أفصح على فايز محامي ضحية المطرب عصام صاصا، عن آخر تطورات الصلح بين عصام صاصا وأسرة الضحية، التي حدثت خلال الأيام الماضية، قائلا :"عصام كلمني وقال لي أنا مش فارق معايا لو اتحبست أو أخذت إعدام في هذه القضية".

محام ضحية صاصا: بعض الأشخاص يتواصلون بشكل مباشر للتدخل لقبول الصلح

وأوضح علي فايز، في مداخلة هاتفية ببرنامج "صالة التحرير" المذاع على قناة “صدى البلد”، ونقلها موقع تحيا مصر  :" عصام قالي أنا اللي فارق معي هو إن الناس دي تتراضى، لأن أنا أبويا توفى وأنا صغير في السن، وحاسس بأولاد الضحية".

ونوه فايز، بأن هناك بعض الأشخاص يتواصلون بشكل مباشر وغير مباشر للتدخل لقبول الصلح مع مطرب المهرجانات عصام صاصا.

وتابع :"وعدت عصام صاصا بإقناع أهل الضحية في التصالح والتنازل عن القضية، ولكن زوجة عصام قلبت الحال دون قصد، وذلك عندما كتبت على حسابها الشخصي إنها بتتساوم بالملايين هي وعصام لقبول الصلح، وهذا يعتبر اتهام مباشر لأهل الضحية بإدعاء مدني، وتراجع أهل الضحية في الحال".

محام ضحية صاصا: أنا أتواصل مع عصام صاصا بشكل مباشر عن طريق الهاتف

وواصل تصريحاته بالقول :"أنا أتواصل مع عصام صاصا بشكل مباشر عن طريق الهاتف المحمول لحل القضية والتوصل إلى اتفاق بشأن الصلح مع أهل الضحية، ولا يوجد لدينا مانع للصلح إذا كانت هناك نية حقيقية لدى عصام بالفعل".

وأنهى محامي ضحية عصام صاصا :"طالبنا بالحصول على الدية الشرعية؛ والتي تقدر بنحو 100 جمل، أو 200 من البقر، أو 1000 درهم ذهب أو ما يعادله بالعملة المصرية، أي ما يقارب 10 مليون جنيه".

 وفي وقت سابق أكدت جهاد ماهر، زوجة مؤدي المهرجانات الشعبية عصام صاصا، أنه يعاني من حالة نفسية سيئة للغاية جراء الحادث.

زوجة عصام صاصا: الضحية كان بيعدي الطريق مش واقف على الرصيف

وقالت زوجة عصام صاصا، في ستوري حسابها بموقع تبادل الصور والفيديوهات إنستجرام: أنا شُفت فيديو لـ أخو المتوفي، بيتكلم على البوست اللي عصام نزله أول ما خرج من النيابة وأنه حاسس بالذنب، هو لغاية دلوقتي حاسس بالذنب ولكن مش عشان غلطان زي ما أخو المتوفى بيقول، أنت حقك تشوفه غلطان وقت زعلك، ولكن تهدى وتسمع الشهود وتعرف أن أخوك كان بيعدي الطريق مش واقف على الرصيف زي ما أنت بتقول.