زوجة عصام صاصا: مش هنسيب ولاد المتوفي محتاجين حاجة ومش عارفة أسرته ازاي قادرين يطلعوا يتكلموا

خرجت جهاد، زوجة مطرب المهرجانات الشعبية عصام صاصا للكشف عن تفاصيل جديدة في قضية دهسه لأحد الأشخاص على الطريق الدائري وذلك بعدما زادت الأقاويل والهجوم عليه، مستنكرة ردود فعل أسرة المتوفي وقدرتهم على الخروج والحديث عبر وسائل الإعلام والصفحات الاخبارية.

زوجة عصام صاصا: احنا كنا رايحين نظبط عقيقة ابننا والعربية خبطت في الراجل فجاة

وقالت زوجة عصام صاصا فيديو نشرته عبر خاصية ستوري بحسابها على موقع تبادل الصور والفيديوهات انستجرام: أنا ليا حق أطلع أتكلم في حاجة أنا واثقة منها جدا، وكان نفسي عصام هو اللي يطلع يتكلم بس والله من وقت الحادث محدش قادر يتكلم ولا نعمل لقاءات، ومش عارفة اللي بيعمل لقاءات ده بيجيب الطاقة منين.

وتابعت زوجة عصام صاصا حديثها، في الفيديو الذي رصده موقع تحيا مصر: عصام خلص شغله واتحرك على الدائري وأنا كنت وراه في عربية تانية، وكنا رايحين عشان نظبط موضوع عقيقة ابننا رحيم، وعصام لمح تيشرت وفجأة لقى زجاج بيطير على طول، وهو ركن ونزل ومشيش، خبط الراجل، والعربية كانت ماشية في طريقها عادي والراجل اتحدف من ناحية الشمال، ودي نقطة كان نفسي يطلع يوضحها بس هو مش قادر.

زوجة عصام صاصا: مش عارفة أسرة المتوفي قادرة تطلع تتكلم ازاي 

وتطرقت زوجة عصام صاصا عن أسرة المتوفي، قائلة: مش عارف أسرة المتوفى قادرة تطلع تتكلم إزاي والناس بتضحك عليهم وبيقولولهم هجبلكم إعدام، إعدام على ايه؟ دي حادثة، يعني قضاء وقدر.

وتابعت: عصام صاصا حاسس بالذنب تجاه عيال المتوفي وعايز يعوضهم ويأمن مستقبلهم لأنهم اتيتموا وهو كان يتيم وأكتر حد حاسس بيهم.. احنا مش هنسيب أهل المتوفي وربنا يقدر عصام ويخليهم مش محتاجين حاجة.

احنا تعبانين أوي.. زوجة عصام صاصا تكشف تفاصيل جديدة في قضية مطرب المهرجانات

علي قدورة: عصام صاصا في حالة سيئة ومبيتكلمش كلمتين على بعض

مش بيتكلم.. حالة عصام صاصا الصحية بعد أزمة الحادث 

من ناحية أخرى، كشف مطرب المهرجانات المعتزل علي قدورة عن حالة عصام صاصا الصحية، حيث قال في فيديو على موقع تيك توك: أنا كلمت عصام صاصا إمبارح وهو في حالة سيئة مبيتكلمش كلمتين على بعض، يعنى حالته لا تسمح أن أي حد يكلمه، وأنا كنت بتواصل معه من  5 أيام ومكنش بيرد، وكنت عايز أطمن عليه بأي طريقة مكنش بيرد خالص طبعا هو موقف صعب ولا نملك إلا الدعاء ربنا يصلح الأحوال.