فريدة سيف النصر تكشف حقيقة تغيير نهاية العتاولة وتفاصيل تعرضها للخيانة

حلت الفنانة الكبيرة فريدة سيف النصر، ضيفة على برنامج واحد من الناس الذي يقدمه الإعلامي عمرو الليثي عبر قناة الحياة  خلال الساعات الماضية.

فريدة سيف النصر تتحدث عن وفاة شقيقتها 

وقالت فريدة سيف النصر عن وفاة شقيقتها في تصريحات يرصدها تحيا مصر: كنت أول مرة أشوف مقبرة تتفتح قدامي وأول مرة أشوفه نازل، ووقتها نمت فوق المقبرة وراحت عليا نومة في المقبرة وكانوا هينسوني هناك.

ارتداء فريدة سيف النصر الحجاب

وتابعت فريدة سيف النصر أنها ابتعدت فترة عن التمثيل وذهبت للدروس الدينية ولبست الحجاب، لكنها قررت بعد فترة خلعه معقبة: حسيت إني اتخنقت منهم فمشيت ومحدش قدر يجبرني على حاجة.

وأضافت، فيه ناس كتير لبست عشاني الحجاب لأني كنت السندريلا بتاعتهم، وناس خرجت معايا برضه زي سوسن بدر لبسته معايا وخلعته معايا وهي أختي في الرضاعة، وبعدنا غادة عادل وعبير صبري لأن وقتها كان فيه اتجاهات غريبة وتحريم للفن، ونتفاجأ أنهم بينتجوا وأنا واضحة وصريحة وده مشكة.

زيجات فريدة سيف النصر 

وعن زيجاتها قالت: اتجوزت مرة واحدة من أسامة الشافعي.. لكن الجوازة نفسها تلاتة لأننا كنا بنطلق ونرجع ونطلق ونرجع لأننا كنا مجانين خالص وبنحب بعض، وتالت مرة ما قبلتش يكون عندي محلل ولا هو قبل وكان لأسباب جامدة بسبب واحدة دخلت في النص وكنت بسامحه كتير لكن في الموضوع ده مكانش ينفع.

واستطردت، كنت بعمل مسرحية الغبي وأنا على مسرح الجلاء، وجت شخصية مهمة مش مصرية عاكست وقلت أدبها، ضربته بالشبشب جابوا ليا القسم ظابط المباحث وكان أسامة الشافعي اللي اتجوزته بعد الموقف ده، قال عندها حق أنها قلت ادبها عليه والتاني بتاع سفارة وشخصية مهمة، وأسامة قالهم دي قريبة مين، قالوا لي بنت عم سيف بيه النصر حمدي المفتش بتاعك ومن هنا حصل تعارف وطلبني للجواز لكني كنت رافضة.

وأردفت، قلت له مش عاوزة اتجوز عاوزة انطلق في التمثيل، ومكنتش لسه عملت فيلم 4-2-4 ولبست فيه بدلة لأني كنت عيلة وكنا وقتها بنلبس مايوه على البحر عادي لكن لما والدي شاف الفيلم ضربني وكنت أول مرة اتهان في حياتي وقال لي لازم تتجوزي.

تعرض فريدة سيف النصر للخيانة

وكشفت تفاصيل تعرضها للخيانة قائلة: عمري ما خونت حد لذلك ما صدقش أني اللي عملت معاه حاجة كويس يعمل معايا كده لأن الأمين مش بيخون.

واستكملت، وصاحبتي أوي وظروفها صعبة جدا كنت أسيب لها البيت والعيال وكنت أساعدها وتأكل وتشرب وهي مش حلوة لكن دماغ وأنا كان عندي ثقة في نفسي واكتشت أنها اتجوزته وصعب صاحبتي تخوني وسايبة ليها كل حاجة.

وأوضحت، ولا عملت ليها حاجة رغم أنها هدت بيتي وسافرت واشتغلت بره ومحمد ابني بوه كان بياخده عندها في الإجازات وكنت بجيب لها هدايا هي وعيالها وهي سمعاني ومفكرتش اتجوز وجاني عروض جواز لأني كنت جميلة جدا وكان كل هامي محمد واتعقدت من الرجالة لو مع السمرا يبقى عاوز البيضة على رأي محمد رمضان.

وعن غير سمية الألفي منها على فاروق الفيشاوي، قالت: مش هقول غير حسبي الله ونعم الوكيل لأن سمية الألفي بنت خالة ولاد عمي.. وفاروق الفيشاوي  كنت بقول له ابيه وكان أي شغل ياخدني معاه وبيدعمني واللي اتقال ده بسبب الغيرة.

وتحدثت عن وفاة والدتها قائلة: مفكرتش أزور قبر والدتي وجميع المقابر ولم أزر جميع اللي توفوا أو زملائي وبنت أخويا غادة اللي يرحمها ماتت من أربع أو خمس شهور وأنا قرأت شريعة كتير ومش المفروض نروح المقابر وكذلك في الأحاديث.

وتابعت، ومقدرتش أروح أزور أمي أو أبويا ولا مرة، وخايفة من نفسي وخايفة من الموت ومش مستعدة له وإحنا بشر بيجي في بالي أني نفسي أشوف أحفادي رالا وتاليا عرايس وأطمن عليهم وبرفض شغل علشانهم، وكذلك بخاف من أني لو روحت المقابر أفتح القبر وأنط جوه وأشوف أمي.

وأضافت، ماما كانت قمر والناس لما يشوفوني منزلة صورتها يقولوا لي أنتي فاكرة نفسك حاجة.. وأبويا حفي عليها.

واستكملت، كنت بعمل مسلسل موسى واتحايل عليهم علشان خاطري يا جماعة لما أنا قاعدة بالخمس ست ساعات من غير شغل هاتوني على شغلي فقط وكان وقتها هاني يسري مساعد المخرج الأول ومحمد سلامة المخرج لكن مع الأسف وهفضل اضرب نفسي 500 جزمة عليها أني كنت في التصوير وقالوا لي الحقي ماما روحها بتطلع وبتقول فريدة.. كان ذل وقلت لهم أنا ماشية وخدت العربية وقلبي اتنتش وحسيت ان الكلام صح ولما وصلت ما لقتهاش وكان نفسي اودعها.

وأضافت، أصل دي بنتي مش أمي بسبب اليتم اللي شافته في حياتها وعملت لها سبع عمرات وحجتين وبقول للي عنده أب وأم أقعداوا تحت رجليهم وهتندموا على كل لحظة مكنتوش معاهم.

واستطردت، دخلت العناية المركزة وما قدرتش اقعد فيها لأني مابحبش المستشفيات وعملوا ليا قسطرة وما كانوش عارفين القلب ولا الكلى ولا الكبد وتحاليلي كلها مكانش فيها حاجة وكانوا بيهزروا وقالوا نشوف لها عريس، على الرغم أن رجلي كانت بتورم وتحمر أو يغمى عليا واترمي وقالوا لي فيه حشرة صغيرة قرصتك ومكناش عارفين إيه السبب.

فريدة سيف النصر: سترة فيها كتير مني.. ومش حاسة أني عملت أفضل ما عندي في العتاولة

فريدة سيف النصر: ماليش في السوشيال ميديا.. وبرفض أعمال كتير

وعن سبب تغيير النهاية في مسلسل العتاولة أوضحت: مفيش حاجة من اللي اتقالت صح ودي وجهة نظر مخرج ومؤلف تحترم وممكن يكون فيه مفاجاة وبديهي لما مخرج ناجح وشايف حد ناجح ومن أسباب نجاح المسلسل مش معقول هيضحي بيا من غير أسباب ولو كان فيه مشاكل بينا أكيد كان هيخلي الشغل على جمب، والنهاية لم تتغير لمرضي.