غسلت عاري.. قاتل زوجته في الطالبية: واحد قالي طلقها عشان اتجوزها

تفاصيل مثيرة في واقعة مقتل سيدة الطالبية على يد زوجها بسبب خلافات زوجية نشبت بسبب شك الزوج في سلوك زوجته، حيث أدلى المتهم باعترافات تفصيلية خلال تحقيقات القضية التي حملت رقم 20877 سنة 2023 جنايات الطالبية.

بعد التحفظ عليه.. ترحيل زوج المذيعة أميرة أبو شنب للحبس

أغاني عالية ونوافذ مغلقة.. حيثيات الحكم على السائق في قضية حبيبة الشماع

حطها في التلاجة.. القصة الكاملة لمقتل سيدة النهضة على يد جارها المدرس

شروط الالتحاق بـ معاهد معاوني الأمن 2024

اعترافات المتهم بإنهاء حياة زوجته في الطالبية

حيث أدلى المتهم بإنهاء حياة زوجته - سيدة الطالبية - باعترافات تفصيلية خلال تحقيقات النيابة العامة معه على ذمة التحقيقات كشف خلالها قيامه بإنهاء حياتها بسبب خلافات زوجية بينهما بسبب شكه في سلوكها، ويستعرض موقع تحيا مصر نص اعترافات المتهم بإنهاء حياة زوجته في الطالبية.

قال المتهم بإنهاء حياة زوجته في الطالبية، بأنه تزوج منها قبل 4 سنوات وكانت الحياة طبيعية مثل اي زواج وأنه لم يكن هناك مشاكل زوجية سوى المشكلات العادية، ومنذ فترة وجيزة تم القبض عليه في الفيوم في قضية مخدرات وظل حينها محبوسا لمدة 3 أشهر ثم قضت محكمة الجنايات في النهاية ببراءته في القضية.

أقوال المتهم بإنهاء حياة زوجته في الطالبية

وتابع المتهم في قضية مقتل سيدة الطالبية، بعد ما خرجت من السجن رجعت البيت لمراتي تاني ومكنش في بردو مشاكل، وأول ما طلعت ادتني شنطة فيها هدوم وحاجات وقالت لي أنا خدتهم من الناس اللي بشتغل عندهم وشلتهم لحد ما تطلع من السجن وعشنا حياتنا عادي من غير مشاكل بس مكنتش لاقي شغل ساعتها.

وأكمل قاتل زوجته في الطالبية، مراتي كانت تشتغل في البيوت وتصرف على البيت وبعدها اشترت ماكينة صيني وادتهالى وقالتلي دي هدية وساعتها بدأت اشك فيها لأن إزاي واحدة بتشتغل في البيوت تجيب هدية بـ 15 ألف جنيه، جابتهم منين يعني وعلى طول كان بيكون معاها فلوس كتير مش عارف منين الفلوس دي.

قاتل زوجته في الطالبية: كنت بغسل عاري

وأضاف المتهم في واقعة سيدة الطالبية، فضلت شاكك في مراتي ومعرفتش أمسك عليها حاجة تثبت شكوكي لحد ما كنت قاعد مع ابن عمي ولقيت واحد معرفهوش دخل وقالي أنا أسمي كذا والهدوم اللي انت لابسها دي والمكنة اللي برا بتوعي بفلوسي وأنا اللي أديتهم لمراتك قلت له وأنت تعرفها منين قالي هي على طول عندي في البيت تشتغل عندي.

وقال المتهم، قالى عايزك تطلقها لأني بحبها وعايز اتجوزها، وساعتها سيبته وروحت لمراتي وواجهتها بالكلام اللي قاله قالت لي اللي تشوفه وافهم اللي عايز تفهمه، رحت مسكتها وضربتها وبعدها قلت لها أنتي طالق وروحت سافرت عند ولاد عمي، وأنا هناك لقيت ناس بتلقح عليا بالكلام ورجعت تاني وبعدها قولت هرجع أخلص عليها وخلصت عليها وبعدها سلمت نفسي في القسم.