عمرو أديب لرئيس الوزراء: عشان تجيب أبل دي محتاجة اغراءات مرعبة

عقب الإعلامي عمرو أديب، على جولة رئيس الوزراء اليوم خلال تفقده عدد من المشروعات بمدينة العاشر من رمضان، قائلا :" جلب الاستثمارات الصناعية الخارجية تحتاج أن تمتلك الدولة بنية صناعية قوية جاذبة للاستثمار".

أديب: جلب الاستثمارات الصناعية الخارجية يحتاج لبنية صناعية قوية

وأضاف الإعلامي عمرو أديب، خلال برنامج "الحكاية" المذاع على قناة "أم بي سي مصر"، وينقله موقع تحيا مصر، : "رئيس الوزراء بيتكلم النهاردة أننا عايزين نجيب أبل، هنجيب أبل ويقولك أنا عايز أجيب مستلزمات إنتاج ومش عارف،أبل هتيجي لما يبقي في بنية أساسية صناعية محترمة".

وتابع: "الناس دي عشان تيجي هنا أنت عندك ليهم التسهيلات، حاجات زي دي محتاجة اغراءات مرعبة، في السعودية عندهم مشروعات بيجيبوها ويدوها 15% اعفاء من كل حاجة، معقبا :"إحنا مش لوحدنا، طبعا مصر الجميلة والعظيمة ولكن الشركات مبتاكلش تاريخ، الشركات بتاكل واقع وبتبني مستقبل، أنا مش جاي اعمل سياحة أنا جاي افتح مصنع".

وأكملالإعلامي عمرو أديب : "اللي أنا بقوله لازم اللي يبيع الاستثمار يكون حد عبقري؛ اللي هيجيبه ده لازم يكون حد عبقري أستاذ مبيعات وعنده قدرات كبيرة؛ هل احنا عندنا ملف أو شيء نقوله لأبل ياجماعة تعالوا مصر ولا أنت جاي مصر عشان الجو حلو والمصريين لطاف والأمن والأمان".

أديب: احنا مش لوحدنا في السوق

وواصل: "احنا مش لوحدنا في السوق؛ السوق كله عايز استثمارات؛ انا مبكلمكش على الإقليم او أفريقيا أو الشرق الأوسط أنا بكلمك على العالم".

وتفقد الدكتور مصطفى مدبولي، رئيس مجلس الوزراء، مصنع شركة "فيفو" لتكنولوجيا الاتصالات المتخصصة في تصنيع الهواتف الذكية.

رئيس الوزراء يتفقد مصنع شركة فيفو

وأكد رئيس الوزراء أن هذه الزيارة تأتي في إطار توجه الدولة نحو التوسع في جذب كبرى الشركات العالمية للتصنيع في مصر، بقيمة مضافة محلية عالية، وكذا اتصالاً باهتمام الحكومة بالسعي لتعزيز التواصل مع المستثمرين الأجانب والمصنعين من الشركات العالمية، وتقديم الدعم اللازم لتنفيذ خططهم التوسعية في السوق المصرية، وبالأخص الموجهة نحو أنشطة التصدير.

واستمع رئيس الوزراء ومرافقوه إلى عرض من جيفن وانج، العضو المنتدب لشركة "فيفو"، الذي قدم شرحاً تفصيلياً عن مراحل الإنتاج بالمصنع، والتقنيات المتطورة لخطوط التصنيع؛ بدءاً من خط تصنيع اللوحة الأم للهواتف الذكية